Abn logo
Oct 27 2021 @ 00:00AM

గాల్లో తేలే మొక్కలు

ఇరుకైన ఇంట్లో ఇండోర్‌ ప్లాంట్స్‌కు చోటు ఉండదు. అలాంటప్పుడు ఫర్నిచర్‌కు అడ్డం లేకుండా గాల్లో తేలే ఫ్లోటింగ్‌ ప్లాంట్స్‌ ఐడియాను అమలు చేయాలి. ఇందుకోసం....

ఫ్లోటింగ్‌ ప్లాంట్స్‌ తయారీ కోసం ఒకటిన్నర అంగుళాల మందం ఉండే గుండ్రని లేదా నలుచదరాకారంలోని ఒక కలప ముక్క, తాడు, తక్కువ బరువుండే ఇండోర్‌ ప్లాంట్స్‌ రెడీ చేసుకోవాలి. టింబర్‌ డిపోల్లో కలప ముక్కలను మనకు నచ్చిన మందంతో, నచ్చిన ఆకారాల్లో కత్తిరించి ఇస్తారు. అలాగే ఆ ముక్క అంచులకు కొద్దిగా దూరంగా మూడు చోట్ల మూడు రంధ్రాలు కూడా అక్కడే వేయించి తెచ్చుకోవచ్చు. ఈ రంధ్రాల్లోకి మూడు తాడు ముక్కలను దూర్చి, అడుగున ముళ్లు వేసుకోవాలి. కలప ముక్క పైన రెండు అడుగుల పొడవులో మూడు తాళ్లనూ దగ్గరకు చేర్చి ముడి వేయాలి. ఇలా తయారు చేసుకున్న హ్యాంగింగ్‌ షెల్ఫ్‌ను, ఉపయోగించకుండా వదిలేసిన సీలింగ్‌ ఫ్యాన్‌ కొక్కేనికి కట్టేయాలి. దీని మీద రంగురంగుల పూల తొట్లను అమర్చుకుంటే, ఇండోర్‌ ప్లాంట్స్‌ వెలితి తీరుతుంది.