Abn logo
Aug 10 2020 @ 23:19PM

ఫ్లోరిడాలో 45 రోజుల తరువాత కేసుల్లో తగ్గుముఖం

ఆర్లాండో: ఫ్లోరిడాలో 45 రోజుల తరువాత కరోనా కేసుల్లో తగ్గుదల కనపడుతోంది. ఫ్లోరిడాలో ఆదివారం 4,155 కరోనా కేసులు నమోదయ్యాయి. జూన్ 23 నుంచి ఇప్పటివరకు ఫ్లోరిడాలో ఇంత తక్కువగా ఎన్నడూ కేసులు నమోదుకాలేదు. అమెరికాలో ఒకేరోజు అత్యధిక కరోనా కేసులు నమోదైన రాష్ట్రంగా కూడా ఫ్లోరిడా చరిత్ర సృష్టించింది. గత నెలలో ఒకేరోజు ఫ్లోరిడాలో 15 వేలకు పైగా కరోనా కేసులు నమోదయ్యాయి. అమెరికా వ్యాప్తంగా ఒకే రాష్ట్రం నుంచి ఒక్కరోజులో ఇన్ని కేసులు ఏ రాష్ట్రంలోనూ నమోదుకాలేదు. ఇక ఆ తర్వాత కేసుల సంఖ్య కొంచెం తగ్గి నిత్యం పదివేల కేసులు నమోదవుతూ వచ్చాయి. ఇక పదివేల నుంచి తొమ్మిది వేలకు.. గత పదిహేను రోజులుగా ఆరు వేలకు అటు ఇటుగా కేసులు బయటపడుతూ వచ్చాయి. ఇక ఆదివారం మాత్రం కేసులు నాలుగు వేలకు వచ్చాయి. దీంతో అధికారులు కొంత ఉపశమనం పొందుతున్నారు. ప్రస్తుతం ఫ్లోరిడాలోని ఆసుపత్రులన్నీ కరోనా పేషంట్లతోనే నిండిపోయాయి. అనేక ఆసుపత్రుల్లో ఐసీయూ బెడ్ల కొరత తీవ్రంగా ఉంది. ఇక ముందు కూడా కరోనా కేసులు తగ్గుతూ వెళ్తాయని అధికారులు ఆశిస్తున్నారు. కాగా.. ఫ్లోరిడాలో ఇప్పటివరకు మొత్తంగా 5,36,961 కరోనా కేసులు నమోదయ్యాయి. గడిచిన 24 గంటల్లో ఫ్లోరిడాలో 91 మంది మృత్యువాతపడ్డారు. దీంతో మొత్తం కరోనా మరణాల సంఖ్య 8,277కు చేరుకుంది. అమెరికాలోని ఫ్లోరిడా, కాలిఫోర్నియా, టెక్సాస్, జార్జియా రాష్ట్రాలు కరోనాకు కేంద్రాలుగా మారిపోయాయి.

Advertisement
Advertisement
Advertisement