సైకిల్పై యువతి సవారీ... ఎదురైన రెండు భారీ మొసళ్లను చూసి...
ABN , First Publish Date - 2021-05-01T13:23:32+05:30 IST
ఒకవేళ మీరు ఆనందంగా సైకిల్ తొక్కుకుంటూ...
వాషింగ్టన్: ఒకవేళ మీరు ఆనందంగా సైకిల్ తొక్కుకుంటూ వెళుతున్నప్పుడు ఎదరుగా రెండు భారీ మొసళ్లు వస్తే ఏం చేస్తారు? భయపడి సైకిల్ అక్కడే వదిలేసి పారిపోతారేమో.... ఇటువంటి ఘటనే అమెరికాలోని ఒక యువతికి ఎదురయ్యింది. ఆ భారీ మొసళ్లను చూసిన ఆమె అక్కడే నిలుచుండిపోయింది. ఈ ఉదంతానికి సంబంధించిన వీడియో సోషల్ మీడియాలో వైరల్గా మారింది.
ఫ్లోరిడాకు చెందిన స్టెల్జర్ సైకిల్పై అభయారణ్యంలో ప్రయాణిస్తోంది. ఈ సందర్భంగా ఆమె వీడియో కూడా తీస్తోంది. ఈ సమయంలో ఆమెకు రెండు భారీ మొసళ్లు ఎదురయ్యాయి. ఆమె వాటిని గమనిస్తూ అక్కడే ఆగిపోయింది. ఒక మొసలి రోడ్డుకు అడ్డంగా ఉండగా, మరో మొసలి రోడ్డు పక్కగా ఉంది. ఆమె చూస్తుండగానే రోడ్డుమీద నున్న మొసలి ఆ పక్కనే ఉన్న నదిలోకి వెళ్లిపోయింది. ఈ సందర్భంగా స్టెల్జర్ మాట్లాడుతూ తాను సైకిల్ మీద వెళుతుండగా, భారీ మొసళ్లు ఎదుయ్యేసరికి భయపడిపోయానని, అయితే అక్కడే ఉండి, వాటి కదలికలను గమనించానని తెలిపారు. ఇప్పుడు దీనికి సంబంధించిన వీడియో సోషల్ మీడియాలో వైరల్గా మారింది.
వైరల్ హగ్ సౌజన్యంతో....