ఆస్ట్రేలియా మాజీ స్పిన్నర్ కన్నుమూత
ABN , First Publish Date - 2021-10-31T23:56:53+05:30 IST
గత కొంతకాలంగా అనారోగ్యంతో బాధపడుతున్న ఆస్ట్రేలియా మాజీ టెస్టు క్రికెట్ పీటర్ ఫిల్పట్ అనారోగ్యంతో
సిడ్నీ: గత కొంతకాలంగా అనారోగ్యంతో బాధపడుతున్న ఆస్ట్రేలియా మాజీ టెస్టు క్రికెటర్ పీటర్ ఫిల్పట్ అనారోగ్యంతో కన్నుమూశారు. ఆయన వయసు 86 సంవత్సరాలు. న్యూసౌత్వేల్స్ జట్టు మాజీ కెప్టెన్ అయిన ఈ లెగ్స్పిన్ ఆల్రౌండర్ 1960లలో ఆస్ట్రేలియా తరపున జాతీయ జట్టుకు ప్రాతనిధ్యం వహించాడు.
38.46 సగటుతో 26 వికెట్లు తీసుకున్నాడు. 1965లో కింగ్స్టన్లో వెస్టిండీస్తో జరిగిన మ్యాచ్తో టెస్టుల్లోకి అరంగేట్రం చేశాడు. ఆ మ్యాచ్లో తొలి ఇన్నింగ్స్లో 56 పరుగులిచ్చి రెండు, రెండో ఇన్నింగ్స్లో 109 పరుగులిచ్చి 4 వికెట్లు పడగొట్టాడు. ఆ పర్యటనలో ఫీటర్ 34.94 సగటుతో 18 వికెట్లు పడగొట్టాడు.
ఆ ఏడాది చివర్లో ఇంగ్లండ్తో జరిగిన మొదటి యాషెస్ టెస్టులో 90 పరుగులిచ్చి 5 వికెట్లు తీసుకున్నాడు. ఆ సిరీస్లో మరో రెండు మ్యాచ్లు మాత్రమే ఆడిన పీటర్ 31 ఏళ్ల వయసులో క్రికెట్కు రిటైర్మెంట్ ప్రకటించాడు. కాగా, ఆసీస్ దిగ్గజ మాజీ ఆల్రౌండర్ అలన్ డేవిడ్సన్ కన్నుమూసిన తర్వాతి రోజే పీటర్ మృతి చెందడంతో ఆసీస్ క్రికెట్ విషాదంలో మునిగిపోయింది.