న్యూజిలాండ్ మాజీ వికెట్ కీపర్ కన్నుమూత

వెల్లింగ్టన్: న్యూజిలాండ్ మాజీ వికెట్ కీపర్ జోక్ ఎడ్వర్ట్స్(64) సోమవారం తుదిశ్వాస విడిచారు. దూకుడైన బ్యాటింగ్‌కి ప్రసిద్ధి పొందిన ఆయన 1977లో క్రిస్ట్‌చర్చ్ వేదికగా ఆస్ట్రేలియాతో జరిగిన మ్యాచ్‌లో న్యూజిలాండ్ జట్టులోకి ఆరంగేట్రం చేశారు. ఆ తర్వాత ఆక్లాండ్ వేదికగా జరిగిన మ్యాచ్‌లో 47 బంతుల్లో అర్థశతకం సాధించి.. గుర్తింపు సంపాదించుకున్నారు. 

1978లో ఇంగ్లండ్‌తో జరిగిన టెస్ట్ మ్యాచ్‌లో తొలిసారిగా ఆయన వికెట్‌కీపర్‌గా బాధ్యతలు తీసుకున్నారు. ఆ మ్యాచ్‌ రెండు ఇన్నింగ్స్‌లో ఆయన అర్థ శతకాలు సాధించారు. కానీ, అదే ఏడాది అయితే ఇదే ఏడాది జరిగిన ఇంగ్లండ్ పర్యటనలో ఎడ్వర్డ్స్ కీపింగ్, బ్యాటింగ్‌పై విమర్శలు వచ్చాయి. దీంతో ఆయన్ను మూడేళ్లపాటు జట్టులోకి తీసుకోలేదు. ఆ తర్వాత 1981లో ఆయనకి మళ్లీ జట్టులో చోటు లభించింది. కానీ, ఇయాన్ స్మిత్‌ను జట్టులోకి తీసుకోవడం కోసం ఆయన్ను బలవంతంగా జట్టు నుంచి తప్పించారనే ఉదంతులు ఉన్నాయి. ఆయన మృతిపై పలువురు మాజీ, ప్రస్తుత క్రికెటర్లు, బోర్డులు సంతాపం వ్యక్తం చేశాయి.