నిగ్గు మొన
ABN , First Publish Date - 2020-02-17T11:22:57+05:30 IST
జీవి పరిధిని కొలత వేస్తూ కొమ్మలను కమ్ముతూ మెల్లని లయలా సాగుతున్న పొగమంచు నిలబడి పోయాం మనం...
జీవి పరిధిని
కొలత వేస్తూ
కొమ్మలను కమ్ముతూ
మెల్లని లయలా
సాగుతున్న పొగమంచు
నిలబడి పోయాం మనం...
అసీమమైన
ఆ ధావళ్యం
ఎట్టెదుట!
లోయలూ కొండలను
పల్లపు దారులను
కాలినడకల జాడలను
ఋతువు కదలికలను
అలుముకున్న
సడిలేని ఆ దుగ్ధలో...
రెల్లు ఈకలా
సన్నని జల్లు
చెంపలు నిమిరి
కలుకొలకుల సాగి
చుక్కలా చెమరింది
గుండె మొరాయించింది
చర్మం అణువణువులో కెరలింత
సూది పోటులా చొరబడే
నిగ్గు మొనల
అకారణ కారుణ్యం కోసం....
సుమనస్పతి
- 96761 80802