‘ఫ్రీ ఫైర్’ ఆడిన విద్యార్థి.. అకౌంట్‌ నుండి రూ. 90 వేలు మాయం..
ABN , First Publish Date - 2020-09-19T17:38:55+05:30 IST
సాయల్‌కుడి సమీపంలో ఓ విద్యార్థి ఆన్‌లైన్‌లో ఫ్రీ ఫైర్ గేమ్‌ ఆడి అతని తల్లిదండ్రుల బ్యాంక్‌ ఖాతా నుంచి రూ.90 వేలు కోల్పోయిన ఘటన కలకలం రేపింది. రామనాథపురం జిల్లా సాయల్‌కుడి సమీపం మేల్‌కిడారం
చెన్నై : సాయల్‌కుడి సమీపంలో ఓ విద్యార్థి ఆన్‌లైన్‌లో ఫ్రీ ఫైర్ గేమ్‌ ఆడి అతని తల్లిదండ్రుల బ్యాంక్‌ ఖాతా నుంచి రూ.90 వేలు కోల్పోయిన ఘటన కలకలం రేపింది. రామనాథపురం జిల్లా సాయల్‌కుడి సమీపం మేల్‌కిడారం గ్రామానికి చెందిన సెంథిల్‌కుమార్‌ కుమారుడు హృతిక్‌రోషన్‌ (12) ఆన్‌లైన్‌ గేమ్‌లకు బానిసయ్యాడు. తన తల్లి బ్యాంక్‌ ఖాతాను వినియోగించి సెల్‌ఫోన్‌లో ఈ గేమ్‌ను బాలుడు ఆడేవాడు. ఈ నేపథ్యంలో, రెండు రోజుల క్రితం సెంథిల్‌కుమార్‌ బ్యాంకుకు వెళ్లి తన ఖాతా పరిశీలించుకోవడంతో, తమ ఖాతా నుంచి రూ.90 వేలు విత్‌డ్రా అయినట్లు గుర్తించారు. దీనిపై బ్యాంకు అధికారులు వివరణ ఇస్తూ ప్లే స్టోర్‌లో ఫ్రీ పైర్‌ గేమ్‌ ఆడారని, అందుకోసం నగదు కట్‌ అయిందని తెలిపారు. అందుకు సంబంధించి తన సెల్‌ఫోన్‌లో బ్యాంకు మెసేజ్‌ లేకపోవడంతో సెంథిల్‌ ఇంటికి వెళ్లి కుమారుడిని ప్రశ్నించగా, జరిగిన విషయం బయటపడింది. నగదు కట్‌ అయినట్టు సెల్‌ఫోన్‌లో వచ్చే మెసేజ్‌లను హృతిక్‌ తొలగించేవాడని తేలింది.
