Abn logo
Jul 21 2020 @ 13:44PM

నూనెతో పుక్కిలిస్తే ఎన్ని ప్రయోజనాలో తెలిస్తే..

Kaakateeya

ఆంధ్రజ్యోతి(21-07-2020)

నూనెతో నోరు పుక్కిలింత ప్రాచీన ఆయుర్వేద చిట్కా. ఎంతో సులువైన, సమర్థమైన, ఖర్చులేని స్వీయ చికిత్స ఇది. ఈ పని చేయడానికి నియమిత వేళలు, పద్ధతి పాటించినప్పుడే తగిన ఫలితం దక్కుతుంది.


ఎప్పుడు, ఎలా?

నూనె పుక్కిలింత ఉదయం అల్పాహారానికి ముందే చేయాలి. నువ్వుల నూనె లేదా కొబ్బరి నూనె గరిటెడు నోట్లో పోసుకుని మింగకుండా, పుక్కిలించాలి. దంతాలు, చిగుళ్ల నడుమ తిరిగేలా నూనెను పుక్కిలించాలి. ఇలా 30 రోజుల పాటు క్రమం తప్పకుండా, రోజుకు 20 నిమిషాలపాటు చేయాలి. 20 నిమిషాల తర్వాత నూనెను ఉమ్మి వేయాలి. ఇలా పుక్కిలించిన నూనెలో ఎన్నో బ్యాక్టీరియాలు ఉంటాయి. కాబట్టి మింగకూడదు. ఉమ్మి వేసిన తర్వాత దంతధావనం చేయాలి. గోరువెచ్చని నీటిలో ఉప్పు కలుపుకొని నోరు కడుక్కోవచ్చు. 


ఆరోగ్య ప్రయోజనాలు:

నూనె పుక్కిలింత వల్ల పలు రకాల ఆరోగ్య ప్రయోజనాలు దక్కుతాయి. అవేంటంటే....


మొటిమలు తగ్గుతాయి.

ఎలర్జీలు అదుపులోకి వస్తాయి. 

మలబద్ధకం వదులుతుంది.

దంతక్షయం తగ్గుతుంది. 

చిగుళ్ల వ్యాధులు నయమవుతాయి.

తామర మొదలైన చర్మ వ్యాధులు తగ్గుతాయి.

నిద్రలేమి దూరమవుతుంది.

నోటిలోని బ్యాక్టీరియా నశిస్తుంది.

నోటి దుర్వాసన వదులుతుంది.

జీర్ణశక్తి పెరుగుతుంది.

హర్మోన్ల అసమతౌల్యం సమమవుతుంది.

Advertisement
Advertisement