జర్మనీలో 24గంటల్లో 1,226 కేసులు
ABN , First Publish Date - 2020-08-13T14:06:05+05:30 IST
జర్మనీలో గడిచిన 24గంటల్లో 1,226 పాజిటివ్ కేసులు నమోదయ్యాయి.
బెర్లిన్, ఆగస్టు 12: జర్మనీలో గడిచిన 24గంటల్లో 1,226 పాజిటివ్ కేసులు నమోదయ్యాయి. మే మొదటి వారం తర్వాత ఇన్ని కేసులు బయటపడడం ఇదే తొలిసారి. కాగా.. మళ్లీ కేసులు పెరుగుతుండడం పట్ల ఆ దేశ ఆరోగ్య మంత్రి జెన్స్ స్పాన్ ఆందోళన వ్యక్తం చేశారు. విదేశాల నుంచి వస్తున్న ప్రయాణికుల ద్వారా వైరస్ వ్యాపిస్తుందని, ప్రజలు పార్టీలు, సమావేశాలకు దూరంగా ఉండాలని సూచించారు. జర్మనీలో ఇప్పటివరకు 2,18,519 కేసులు నమోదవగా.. వారిలో 9,209 మంది ప్రాణాలు కోల్పోయారు.
ఆస్ర్టేలియాలో 21 మంది కరోనాతో మృతిచెందారు. దీంతో దేశంలో మొత్తం మరణాల సంఖ్య 352కి పెరిగింది. మొత్తం బాధితుల సంఖ్య 22,127కి చేరుకుంది. అమెరికాలో కొత్తగా 54 వేల మందికి పాజిటివ్గా తేలగా.. మొత్తం కేసుల సంఖ్య 53 లక్షలకు చేరుకుంది. బ్రెజిల్లోనూ మరో 54,923.. రష్యాలో 5,102.. దక్షిణాఫ్రికాలో 2,511..న్యూజిలాండ్లో మరో 9 పాజిటివ్ కేసులు నమోదయ్యాయి. 102 రోజుల తర్వాత కరోనా కేసులు రావడంతో వాటి మూలాలను గుర్తించే పనిలో ప్రభుత్వం నిమగ్నమైంది. పాకిస్థాన్లో కొత్తగా 730.. సింగపూర్లో మరో 42 మందికి వైరస్ సోకింది.