కొవిడ్ ఔషధం ధర 27శాతం తగ్గించిన గ్లెన్మార్క్
ABN , First Publish Date - 2020-07-14T06:43:27+05:30 IST
కొవిడ్ చికిత్సకు వినియోగిస్తున్న యాంటీవైరల్ ఔష ధం ఫావిపిరావిర్ టాబ్లెట్ల ధరను 27శాతం తగ్గించినట్టు గ్లెన్మార్క్ ఫార్మాసూటికల్స్ సోమవారం వెల్లడించింది...
- ఫాబిఫ్లూ ఒక్కో టాబ్లెట్ 103 నుంచి 75కు తగ్గింపు
న్యూఢిల్లీ, జూలై 13: కొవిడ్ చికిత్సకు వినియోగిస్తున్న యాంటీవైరల్ ఔష ధం ఫావిపిరావిర్ టాబ్లెట్ల ధరను 27శాతం తగ్గించినట్టు గ్లెన్మార్క్ ఫార్మాసూటికల్స్ సోమవారం వెల్లడించింది. ఫాబిఫ్లూ బ్రాండ్ పేరుతో ఈ కంపెనీ టాబ్లెట్లను విక్రయిస్తోంది. ఒక్కో టాబ్లెట్ ధరను రూ.103 నుంచి రూ.75కు తగ్గించినట్టు కంపెనీ తెలిపింది. గత జూన్ నెలలో ఫాబిఫ్లూ టాబ్లెట్లను కంపెనీ విడుదల చేసిన విషయం తెలిసిందే. స్వల్ప నుంచి మోస్తరు కొవిడ్ లక్షణాలున్న వారి చికిత్సకు ఈ టాబ్లెట్లను వినియోగిస్తున్నారు. ఫాబిఫ్లూ యాక్టివ్ ఫార్మాసూటికల్ ఇంగ్రీడియెంట్, ఫార్ములేషన్లను దేశంలోని కంపెనీ ప్లాంట్లలోనే తయారు చేస్తున్నామని, అధిక రాబడులు రావడంతో ధరను తగ్గించినట్టు కంపెనీ తెలిపింది.