గూగుల్ క్రోమ్... కొత్త అప్డేట్.. వాటె బ్రౌజింగ్ స్పీడ్...
ABN , First Publish Date - 2021-06-01T00:54:51+05:30 IST
ఆండ్రాయిడ్ యూజర్ల కోసం ఇటీవల క్రోమ్ 89 ను అప్డేట్ చేసిన గూగుల్... తాజాగా... ఐఓఎస్ యూజర్స్ కోసం క్రోమ్ 91 వెర్షన్ను రూపొందించింది.
క్యాలిఫోర్నియా : ఆండ్రాయిడ్ యూజర్ల కోసం ఇటీవల క్రోమ్ 89 ను అప్డేట్ చేసిన గూగుల్... తాజాగా... ఐఓఎస్ యూజర్స్ కోసం క్రోమ్ 91 వెర్షన్ను రూపొందించింది. ఈ కొత్త అప్డేట్తో బ్రౌజింగ్ వేగం 23 శాతం పెరుగుతుందని గూగుల్ క్రోమ్ వెల్లడించింది.
ఈ క్రోమ్ 91 అప్డేట్... గూగుల్ వెబ్ బ్రౌజర్ పనితీరును మరింత మెరుగుపరుస్తుంది. తాజా అప్డేట్లోని స్పార్క్ప్లగ్ కంపైలర్, అంతర్నిర్మిత కాల్స్ ఫీచర్ కారణంగా క్రోమ్ ఇప్పుడు 23 శాతం వరకు వేగంగా పనిచేస్తుందని క్రోమియం బ్లాగ్ తాజా పోస్ట్లో గూగుల్ పేర్కొంది. కాగా, ఈ సరికొత్త అప్డేట్ యాపిల్ ఫోన్లను వాడే క్రోమ్ యూజర్ల కోసం తెచ్చినట్లు పేర్కొంది.
మెరుపు వేగంతో బ్రౌజింగ్..
తాజా అప్డేట్తో ఐఓఎస్ స్మార్ట్ఫోన్లలో గూగుల్ క్రోమ్ తాజా వెర్షన్ మునుపటి కంటే వేగంగా పనిచేస్తుంది. వేగవంతమైన పనితీరు కోసం కోడ్ను వేగంగా ఆప్టిమైజ్ చేసే టెక్నిక్ను దీనిలో ఉపయోగించింది. కాలింగ్ ఫంక్షన్లను నివారించడానికి రూపొందించిన కోడ్తో దీన్ని వేగంగా ప్రాసెస్ చేయవచ్చు. ఈ గూగుల్ క్రోమ్ తాజా అప్డేట్ వి 8 ఇంజన్ మల్టిపుల్ కంపైలర్లతో వస్తుంది. ఈ కంపైలర్లు జావాస్క్రిప్ట్ను ఎగ్జిక్యూట్ చేసే వివిధ దశల్లో వేర్వేరు ట్రేడ్ఆఫ్లతో పనిచేస్తాయి.