గోవిందా.. గోవింద..

కన్నులపండువగా చిన వెంకన్న బ్రహ్మోత్సవాలు 

ద్వారకా తిరుమల, అక్టోబరు 16 : శ్రీ వేంకటేశ్వర స్వామి ఆలయంలో ఆశ్వ యుజ మాస దివ్య బ్రహ్మోత్సవాలు శుక్రవారం అట్టహాసంగా ప్రారంభమయ్యా యి. ఈ నెల 22వ తేదీ వరకు ఈ ఉత్సవాలు జరుగుతాయని ఈవో సుబ్బారెడ్డి తెలిపారు. తొలిరోజు స్థానిక నిత్య కల్యాణ మండపంలో స్వామి, అమ్మవార్లను పెండ్లి కుమారుడు, పెండ్లి కుమార్తెలుగా చేశారు. ఈ వేడుకను అర్చకులు, పండి తులు ఘనంగా నిర్వహించారు. రాత్రి ఆలయంలో గరుడ వాహనంపై స్వామి వారి కోవెల ఉత్సవాన్ని వేడుకగా నిర్వహించారు. 

వైభవంగా ధ్వజారోహణ..

బ్రహ్మోత్సవాల్లో భాగంగా ఆలయంలో శనివారం ధ్వజారోహణను వైభవంగా నిర్వహించారు. ఉత్సవాలను వీక్షించేందుకు ముక్కోటి దేవతలను ఆహ్వానించే క్రమంలో ఈ కార్యక్రమం నిర్వహించామని అర్చకులు తెలిపారు. ఆలయ  ధ్వజ స్తంభం వద్ద ధ్వజ పటాన్ని ఎగురవేశారు. అనంతరం హంస వాహనంపై స్వామి వారి కోవెల ఉత్సవాన్ని జరిపించారు.