గ్రేవీ చిక్కగా...

ABN , First Publish Date - 2020-02-26T05:30:00+05:30 IST

గ్రేవీ పలచగా అయినపుడు... అందులో ఉడికించిన బంగాళాదుంపను మెత్తగా చేసి కలిపితే గ్రేవీ చిక్కగా...

గ్రేవీ చిక్కగా...

గ్రేవీ పలచగా అయినపుడు... అందులో ఉడికించిన బంగాళాదుంపను మెత్తగా చేసి కలిపితే గ్రేవీ చిక్కగా తయారవుతుంది. 

అన్నం వండేటప్పుడు అందులో కొద్దిగా వంటనూనె వేస్తే అన్నం ముద్దవకుండా పొడి పొడిగా వస్తుంది.

పులుసు కూరల్లో చింతపండు రసానికి బదులు టొమాటో గుజ్జు వేస్తే కూరలు ఎంతో రుచిగా ఉంటాయి.

కారం నిల్వ ఉంచిన డబ్బాలో చిటికెడు ఇంగువ కలిపితే కారం పురుగుపట్టదు. ఎక్కువ రోజులు నిల్వ ఉంటుంది.

కూరల్లో కారానికి బదులు పచ్చిమిరపకాయలు వాడితే శరీరంలోని కొలెస్ట్రాల్‌ తగ్గుతుంది.

కూరల్లో వేసే పచ్చిబఠాణీలు తొందరగా నానాలంటే  వేడి నీటిలో కొద్దిగా వంట సోడా వేసి రెండు గంటలు ఉంచాలి. తర్వాత కూరలో ఉపయోగించుకోవచ్చు.

బిస్కెట్లు నిల్వ ఉంచిన డబ్బాలో కొద్దిగా పంచదార వేస్తే అవి మెత్తబడవు.

బొంబాయి రవ్వను వేగించి నిల్వచేస్తే తొందరగా పురుగు పట్టదు. 

కొబ్బరి చిప్పను స్టవ్‌ మీద కాసేపు వేడి చేయాలి. చల్లారిన తర్వాత పగలగొడితే లోపలి కొబ్బరి ఇట్టే బయటకు వచ్చేస్తుంది.

Updated Date - 2020-02-26T05:30:00+05:30 IST