ఆరోగ్య సంరక్షణకు యోగా దోహదం
ABN , First Publish Date - 2021-06-22T05:50:13+05:30 IST
కొవిడ్ వంటి విపత్కర పరిస్థితుల్లో ఆరోగ్య సంరక్ష ణకు యోగా దోహద పడుతుందని నన్నయ విశ్వవిద్యాలయం ఉపకులపతి మొక్కా జగన్నాథరావు అన్నారు.
దివాన్చెరువు, జూన్ 21: కొవిడ్ వంటి విపత్కర పరిస్థితుల్లో ఆరోగ్య సంరక్ష ణకు యోగా దోహద పడుతుందని నన్నయ విశ్వవిద్యాలయం ఉపకులపతి మొక్కా జగన్నాథరావు అన్నారు. అంతర్జాతీయ యోగా దినోత్సవం సందర్భంగా నన్నయ విశ్వవిద్యాలయం మీడియా సెల్ ఆధ్వర్యంలో ‘కొవిడ్-19 ఆరోగ్య సంరక్షణలో యోగా’ అంశంపై సోమవారం సదస్సు నిర్వహించారు. ముఖ్య అతిథిగా హాజరైన వీసీ మాట్లాడుతూ అందరూ శరీరాన్ని, మనసును ఏకం చేయడమే యోగా ముఖ్యోద్దేశ్యమని తెలిపారు. ప్రముఖ యోగా గురువు, ఫౌండర్ ఆఫ్ బోధి యోగా అకాడమీ వి.అశోక్కుమార్ మాట్లాడుతూ కొవిడ్ నుంచి బయటపడటానికి యోగా చక్కని మార్గమని చెప్పారు. యోగా ప్రొటో కాల్ ఆసనాలను విశ్వవిద్యాలయ విద్యార్థులు చండీప్రియ, సత్యకళ్యాణి నిర్వ హించారు. కానవరంలోని శ్రీరాపర్తి రామ యోగా ఇనిస్టిట్యూట్ నిర్వాహకులు ఎస్వీవీఎస్ శర్మ, ఎ.శ్యామ్సుందర్, జలదీప్ ఆసనాలను ప్రదర్శించారు. రిజిస్ట్రార్ ఆచాజ్యు టి.అశోక్, ప్రిన్సిపాల్స్ ఆచార్య ఎస్.టేకి, కె.రమణేశ్వరి, కన్వీనర్లు తలారి వాసు, పి.ఆనంద్. బి.రామగోపాల్, బి.కమలాదేవి పాల్గొన్నారు.