చెవి వద్ద పేలిన దీపావళి రాకెట్‌

ABN , First Publish Date - 2021-11-14T15:50:29+05:30 IST

శుభకార్యంలో వెలిగించిన దీపావళి రాకెట్‌ చెవి దగ్గరకు వచ్చి పేలడంతో ఓ కానిస్టేబుల్‌ వినికిడి సమస్య బారిన పడ్డారు. నగరానికి చెందిన బి. సందీప్‌, భీష్మకుమార్‌ జూబ్లీహిల్స్‌

చెవి వద్ద పేలిన దీపావళి రాకెట్‌

కానిస్టేబుల్‌కు వినికిడి సమస్య

హైదరాబాద్/బంజారాహిల్స్‌: శుభకార్యంలో వెలిగించిన దీపావళి రాకెట్‌ చెవి దగ్గరకు వచ్చి పేలడంతో ఓ కానిస్టేబుల్‌ వినికిడి సమస్య బారిన పడ్డారు. నగరానికి చెందిన బి. సందీప్‌, భీష్మకుమార్‌ జూబ్లీహిల్స్‌ పోలీసుస్టేషన్‌ కార్‌-2లో కానిస్టేబుళ్లుగా పనిచేస్తున్నారు. ఈ నెల 12న యూసు్‌ఫగూడ కార్మికనగర్‌లో జరుగుతున్న వివాహ వేదిక వద్ద బాణాసంచా పేలుస్తుండడంతో శబ్ద కాలుష్యం వస్తోందని స్థానికులు 100కు ఫోన్‌ చేసి ఫిర్యాదు చేశారు. దీన్ని పరిశీలించేందుకు కానిస్టేబుళ్లు అక్కడకు వెళ్లారు. ఈ విషయంపై మాట్లాడుతుండగా ఓ వ్యక్తి దీపావళి రాకెట్‌ కాల్చాడు. అది కానిస్టేబుల్‌ చెవి వద్దకు వచ్చి పేలింది. ఆ ధాటికి అతడి కుడి చెవి పనిచేయలేదు. ఈఎన్‌టీ ఆస్పత్రిలో పరీక్షలు చేయించగా చెవిలో రంధ్రం పడినట్టు గుర్తించారు. సందీప్‌ ఫిర్యాదు మేరకు జూబ్లీహిల్స్‌ పోలీసులు రాకెట్‌ కాల్చిన నరే్‌షపై కేసు నమోదు చేశారు. 

Updated Date - 2021-11-14T15:50:29+05:30 IST