మహబూబాబాద్‌ జిల్లాలో భారీ వర్షాలు

మహబూబాబాద్‌ జిల్లాలో కురుస్తున్న భారీ వర్షాలకు చెరువులు మత్తడిపోస్తున్నాయి. కురవిమండలం, తాళ్లసంకీస గ్రామంలో పెద్ద చెరువు నిండిపోయింది. చెరువు వరద హైవేలో లెవల్ వంతెనపై నుంచి అలుగు పారుతోంది. దీంతో వాహనాల రాకపోకలు నిలిచిపోయాయి. కొంతమంది వరద నీటిలో నుంచే ప్రమాదం అంచున ప్రయాణిస్తూ.. వాహనాలను ముందుకుపోనిస్తున్నారు. తాళ్ల సంకీసలో లోలెవల్ బ్రిడ్జి దాటేందుకు చాలా మంది సహసం చేస్తున్నారు. అదే సమయంలో అధికారుల నిర్లక్ష్యంపై మండిపడుతున్నారు. ఏటా వర్షాకాలంలో ఇదే పరిస్థితి ఎదురవుతోందని, అయినా హైలెవెల్ వంతెన కట్టకపోవడం ఏంటని ప్రశ్నిస్తున్నారు.