బాప్‌రే... ఆయన వేతనం... రూ. 60 కోట్ల పైమాటే...

ABN , First Publish Date - 2021-06-14T02:43:02+05:30 IST

టెక్ దిగ్గజ కంపెనీ విప్రో చీఫ్ థియరీ డెలాపోర్ట్ గతేడాది(అంటే 2021 ఆర్ధిక సంవత్సరం) 8.8 మిలియన్ డాలర్లను వేతనంగా అందుకున్నారు.

బాప్‌రే... ఆయన వేతనం... రూ. 60 కోట్ల పైమాటే...

బెంగళూరు : టెక్ దిగ్గజ కంపెనీ విప్రో చీఫ్ థియరీ డెలాపోర్ట్  గతేడాది(అంటే 2021 ఆర్ధిక సంవత్సరం) 8.8 మిలియన్ డాలర్లను వేతనంగా అందుకున్నారు. అంటే మన కరెన్సీలో ఇది రూ. 64 కోట్లు. సెబీకి ఇచ్చిన ఫైలింగ్ లో ఈ వివరాలను  ప్రకటించారు. ఇన్ఫోసిస్, టీసీఎస్ వంటి పోటీ సంస్థలలో వేతనాలు ఈ దరిదాపుల్లో కూడా లేవు. ఐటీలో అత్యధిక పారితోషికం పొందిన సీఈఓగా ఆయన వార్తల్లోకెక్కారు. 


కిందటి సంవత్సరం జూలై 6 న విప్రో సీఈఓ గా ఆయన  బాధ్యతలు తీసుకున్నారు కాగా... జూలై 6, 2020 నుండి మార్చి 31, 2021 వరకు ఆయనం భారీగా ది. ఇందులో వన్-టైమ్ క్యాష్ అవార్డు, వార్షిక స్టాక్ గ్రాంట్ మరియు ఆర్‌ఎస్‌యూ ల వన్-టైమ్ గ్రాంట్ వంటివి ఉన్నాయి. జూలై 2020 లో వాటాదారుల వార్షిక సర్వసభ్య సమావేశంలో వాటాదారులు ఆమోదించిన నిబంధనల మేరకు... జూన్ 10 న విప్రో తన రెగ్యులేటరీ ఫైలింగ్‌లో ఈయన వేతనం వివరాలు వెల్లడించింది. అంతకుముందు డెలాపోర్ట్... ఫ్రెంచ్ ఐటీ దిగ్గజం క్యాప్ జెమినీ లో సీఈఓగా పని చేశారు. ఇన్ఫోసిస్ సీఈఓ సలీల్ పరేఖ్ పే ప్యాకేజీ రూ . 49.68 కోట్లు కాగా, టీసీఎస్ సీఈఓ రాజేష్ గోపీనాథ్ మొత్తం రూ . 20.3 కోట్లు అందుకున్నారు.

Updated Date - 2021-06-14T02:43:02+05:30 IST