ఆ హార్మోన్ను పెంచుకోవాలంటే...
ABN , First Publish Date - 2020-12-11T15:19:15+05:30 IST
టెస్టోస్టెరాన్ హార్మోను సహజంగా పెరిగేందుకు ఆరోగ్యకరమైన జీవనవిధానం పాటించడం అవసరం. ఆహారంలో విటమిన్ - సి అధికంగా ఉండే పండ్లు; జింక్ కోసం మాంసాహారం, గింజలు,
ఆంధ్రజ్యోతి(11-12-2020)
ప్రశ్న: మగవాళ్ళలో టెస్టోస్టెరాన్ హార్మోను పెంచేందుకు ఎలాంటి ఆహారం తీసుకోవాలి?
- శివ, ఒంగోలు
డాక్టర్ సమాధానం: టెస్టోస్టెరాన్ హార్మోను సహజంగా పెరిగేందుకు ఆరోగ్యకరమైన జీవనవిధానం పాటించడం అవసరం. ఆహారంలో విటమిన్ - సి అధికంగా ఉండే పండ్లు; జింక్ కోసం మాంసాహారం, గింజలు, పప్పులు, గుడ్లు, చేపలు; విటమిన్ - డి కోసం రోజూ కనీసం అరగంట పాటు ఎండలో గడపడం మంచిది. మెంతులు, అశ్వగంధ లాంటివి తీసుకోవడం ద్వారా కొంత ఉపయోగం ఉంటుంది. స్వయంగా కాకుండా వైద్య నిపుణుల సలహామేరకు ఆయుర్వేద మందులు లేదా న్యూట్రిషన్ సప్లిమెంట్లను తగిన మోతాదులో మాత్రమే తీసుకోవాలి. రోజూ విధిగా వ్యాయామం చేయడం ద్వారా కూడా టెస్టోస్టెరాన్ హార్మోను ఉత్పత్తిని పెంచుకోవచ్చు. ఆందోళన తగ్గించుకోవడం మంచిది. ఎత్తుకు తగిన బరువు ఉండేలా నియంత్రించుకోవాలి. సరైన ఆహారపు అలవాట్లను పాటించడం అన్నిటికన్నా ముఖ్యం.
డా. లహరి సూరపనేని
న్యూట్రిషనిస్ట్, వెల్నెస్ కన్సల్టెంట్
nutrifulyou.com (పాఠకులు తమ సందేహాలను
sunday.aj@gmail.comకు పంపవచ్చు)