కొవిడ్ వస్తే.. ఇంటర్వ్యూకి హాజరు ఎలా? తేదీలు మార్చండి లేదా ‘ఆన్లైన్’ చేయండి
ABN , First Publish Date - 2022-01-18T22:55:05+05:30 IST
కొవిడ్ సమయంలో విద్యాసంస్థల్లో ప్రవేశాలకు కానీ, ఉద్యోగాలకు కానీ.. దేనికైనా ఇంటర్వ్యూలు నిర్వహించేటప్పుడు ప్రత్యామ్నాయ మార్గాలపైనా
ఆర్సెట్ అభ్యర్థుల వేడుకోలు
అమరావతి, జనవరి 17 (ఆంధ్రజ్యోతి): కొవిడ్ సమయంలో విద్యాసంస్థల్లో ప్రవేశాలకు కానీ, ఉద్యోగాలకు కానీ.. దేనికైనా ఇంటర్వ్యూలు నిర్వహించేటప్పుడు ప్రత్యామ్నాయ మార్గాలపైనా దృష్టిపెట్టాలి. ఇంటర్వ్యూలు నిర్వహించాల్సిందే అనుకున్నప్పుడు ఆన్లైన్లో నిర్వహించడం, లేకుంటే కొవిడ్ నిర్ధారణ అయినవారికి ప్రత్యామ్నాయ తేదీల్లో ఇంటర్వ్యూకు అవకాశం కల్పించడం ఏదో ఒకటి చేయాలి. కానీ అవేమీ చేయకపోవడం వల్ల కరోనా సోకిన అభ్యర్థుల పరిస్థితి ఏమిటన్నదే ఇప్పుడు తలెత్తుతున్న ప్రశ్న. ఇటీవల రిసెర్చ్ సెట్ (ఆర్సెట్) కోసం ఉన్నత విద్యామండలి ఆధ్వర్యంలో పరీక్ష నిర్వహించారు. దీనిలో అర్హత సాధించినవారికి పీహెచ్డీల్లో చేరేందుకు అవకాశం కల్పిస్తారు. అర్హత సాధించిన అభ్యర్థులకు ప్రస్తుతం ఇంటర్వ్యూలు నిర్వహిస్తున్నారు.