బోధకుడు ఎలా ఉండాలి?

ABN , First Publish Date - 2020-07-03T06:27:23+05:30 IST

ఏ మత ధర్మానికైనా బోధకుడు పునాది. గురువుగా అతను చేసే ఉపదేశాలే అనుయాయులను ధర్మమార్గంలో ముందుకు నడిపిస్తాయి. దాదాపు రెండువేల ఏళ్ళ నుంచీ కొనసాగుతూ, ప్రపంచంలోని ప్రతి ప్రాంతాన్నీ ప్రభావితం చేసిన క్రైస్తవానికి తన

బోధకుడు ఎలా ఉండాలి?

ఏ మత ధర్మానికైనా బోధకుడు పునాది. గురువుగా అతను చేసే ఉపదేశాలే అనుయాయులను ధర్మమార్గంలో ముందుకు నడిపిస్తాయి. దాదాపు రెండువేల ఏళ్ళ నుంచీ కొనసాగుతూ, ప్రపంచంలోని ప్రతి ప్రాంతాన్నీ ప్రభావితం చేసిన క్రైస్తవానికి తన ప్రసంగాలతో పునాదులు వేసిన ప్రథమ బోధకుడు, గొప్ప ఉపదేశకుడు ఏసు ప్రభువు. ఆయన దేని గురించైనా సాధికారికంగా మాట్లాడేవాడు. వినే వాళ్ళ స్థాయిని బట్టి ఆయన మాట్లాడేవాడు. మధ్యలో కథలు చెబుతూ విషయం బాగా అర్థమయ్యేలా చేసేవాడు. మంచి ఉదాహరణలతో తన మాటలు నాటుకొనేలా చేసేవాడు. శ్రోతలను ప్రశ్నలు అడిగి సమాధానం రాబట్టేవాడు. చెప్పిన విషయాన్ని మరోసారి వివరించి, వారికి గుర్తుండిపోయేలా చేసేవాడు. ఏది చెయ్యాలో చెప్పడమే కాదు... దాన్ని ఆయన ఆచరించేవాడు. తన శిష్యులు ఆచరించేలా చేసేవాడు. తన బోధనలను అనుభవం ద్వారా నిరూపించుకొనేలా ప్రోత్సహించేవాడు. మంచి బోధకుడికి ఆయన అనుసరించిన ఈ పద్ధతులే ప్రమాణం.

Updated Date - 2020-07-03T06:27:23+05:30 IST