ఆత్మవిశ్వాసం పెరగాలంటే..!
ABN , First Publish Date - 2021-05-10T06:25:02+05:30 IST
ఒక వ్యక్తి కూర్చునే విధానాన్ని బట్టి అతని ప్రవర్తన, మానసిక పరిస్థితి అంచనా వేయవచ్చు. లేచినపుడు నిటారుగా నిలబడటం, కళ్లలోకి చూస్తూ మాట్లాడటం వంటివి పాజిటివ్ ఇంప్రెషన్ను కల్గిస్తాయి
- ఒక వ్యక్తి కూర్చునే విధానాన్ని బట్టి అతని ప్రవర్తన, మానసిక పరిస్థితి అంచనా వేయవచ్చు. లేచినపుడు నిటారుగా నిలబడటం, కళ్లలోకి చూస్తూ మాట్లాడటం వంటివి పాజిటివ్ ఇంప్రెషన్ను కల్గిస్తాయి.
- ఉత్సాహపూరిత ప్రసంగాలను వినడం ద్వారా కాన్ఫిడెన్స్ను బిల్డప్ చేసుకోవచ్చు.
- నలుగురిలో మాట్లాడటానికి ఇబ్బంది పడే వారు అద్దం ముందు నిలుచుని మాట్లాడటం ప్రాక్టీసు చేయడం ద్వారా ఆత్మవిశ్వాసాన్ని పెంపొందించుకోవచ్చు.
- ఇతరులను పొగడటానికి వెనకంజ వేయద్దు. ఇతరుల్లోని గొప్పతనాన్ని చూడటం ద్వారా మీలో ఉన్న గొప్పతనం బయటకు వస్తుంది. మిమ్మల్ని మీరు తక్కువగా అంచనా వేసుకోవడం వల్ల ఇతరులనూ తక్కువ చేసి చూడటం మొదలవుతుంది. దీన్ని అధిగమించాలంటే ఇతరులను పొగడాల్సిందే.
- స్కూల్లో, ఆఫీసులో, పబ్లిక్ మీటింగ్ల్లో వెనక కూర్చోవడానికి ప్రయత్నిస్తుంటారు. నలుగురి దృష్టిలో పడకుండా ఉండటం కోసమే ఇలా చేస్తుంటారు. ఇది వారిలో ఆత్మవిశ్యాసం లోపించిందనటానికి నిదర్శనం. ఇటువంటి వారు ముందు వరుసలో కూర్చోవడం ద్వారా సెల్ఫ్ కాన్ఫిడెన్స్ బిల్డప్ చేసుకోవచ్చు.
- గ్రూప్ డిస్కషన్లలో మాట్లాడకుండా కూర్చోకూడదు. భయం వల్ల కొందరు అసలు నోరెత్తరు. కానీ అది అనవసర భయమనే విషయాన్ని గుర్తించాలి. అందరిలోనూ ఆ భయం ఉంటుంది. ఎదుటి వాళ్లు ఏమనుకుంటారో అని కూర్చోకుండా మీకు తెలిసిన విషయాన్ని దైర్యంగా చెప్పడం వల్ల ఆత్మవిశ్వాసం పెరుగుతుంది.
- ప్రతిరోజు వ్యాయామం చేయడం అవసరం. ఫిజికల్ ఫిట్నెస్ ఉన్నప్పుడే కాన్ఫిడెన్స్గా ఉండటం సాధ్యమవుతుంది.
- ఒక వ్యక్తి మనోభావాలను దుస్తులు ప్రతిబింబిస్తాయి. కాబట్టి ఎదుటి వారిని ఆకట్టుకునే విధంగా ఫిజికల్ అప్పియరెన్స్ ఉండేలా చూసుకోవాలి.