Abn logo
May 2 2021 @ 00:27AM

హ్యుమా ఖురేషీ హాలీవుడ్‌ పోస్టర్‌

బద్లాపూర్‌, జాలీ ఎల్‌ఎల్‌బీ2 వంటి సినిమాలతో అభిమానులను అలరించిన హ్యుమా ఖురేషీ హాలీవుడ్‌లోనూ తన అదృష్టాన్ని పరీక్షించుకుంటున్నారు. తాజాగా ఆమె హాలీవుడ్‌లో మొదటిసారి నటించిన ‘ఆర్మీ ఆఫ్‌ ద డెడ్‌’ సినిమాలో తన పాత్ర మోషన్‌పోస్టర్‌ను ఇన్‌స్టాగ్రామ్‌ వేదికగా పంచుకున్నారు. అంతేకాదు ఆ సినిమా మే 14న నెట్‌ఫ్లిక్స్‌లో విడుదలవుతుందని పోస్ట్‌ చేశారామె. జాక్‌ స్నిడర్‌ అనే అమెరికా దర్శకుడు తెరకెక్కించిన ఈ చిత్రం ఏప్రిల్‌ మొదటి వారంలో విడుదలైంది. అయితే అందులో హ్యుమా ఖురేషి కనిపించలేదు. ‘‘ప్రస్తుతం కరోనాతో దేశం పోరాడుతున్న తీరు, ప్రతిరోజు ప్రజలు ఎంతో వేదనకు గురవ్వడం చూస్తుంటే నా హృదయం ద్రవిస్తోంది. ఈ సినిమాలో నా నటనను కరోనాతో పోరాడుతున్న వారికి అంకితం చేస్తున్నా. కరోనా బారిన పడ్డ వారు తొందరగా కోలుకోవాలని కోరుకుంటున్నా’’ అన్నారు హ్యుమా ఖురేషీ.