జూబ్లీహిల్స్ రోగ్ పబ్ వద్ద యువతీపై రెచ్చిపోయిన పోకిరీలు...

హైదరాబాద్: జూబ్లీహిల్స్ పోలీస్ స్టేషన్ పరిధిలోని రోగ్ పబ్ దగ్గర పోకిరీలు రెచ్చిపోతున్నారు. స్నేహితులతో కలిసి పబ్‌కు వచ్చిన ఓ యువతిని పోకిరీలు వేధించిన ఘటన వెలుగు చూసింది. పబ్ సమీపంలో పార్కింగ్ వద్ద కారు కోసం ఎదురు చూస్తున్న యువతిని పోకిరీలు అసభ్యంగా దూషించి దాడి చేశారు.

ఎవరు మీరని ఆ యువతి ప్రశ్నించగా.. ఆమెతో మాటలు కలిపారు. ఆ తర్వాత కారును తగలబెడతామని బెదిరించారు. యువతి ప్రతిఘటించి తన కారులో వెళ్లడానికి ప్రయత్నించగా.. కొద్ది దూరం వెంబడించారు. దీంతో పోకిరీలపై ఆ యువతి జూబ్లీహిల్స్ పోలీసులకు ఫిర్యాదు చేసింది. మరోవైపు పబ్‌కు వచ్చిన వారు ఇష్టారీతిగా రోడ్డుపైనే వాహనాలు పార్కింగ్ చేయడం చుట్టుపక్కల వారికి తీవ్ర ఇబ్బందిగా మారింది. వాహనాలను గేటుకు ఎదురుగా పార్క్ చేస్తుండడంపై స్థానికులు తీవ్ర ఆగ్రహం వ్యక్తం చేస్తున్నారు.