ఎక్కువ గంటలు పనిచేస్తే ‘హైపో థైరాయిడిజం’ ?
ABN , First Publish Date - 2020-04-02T07:06:32+05:30 IST
ఎక్కువ గంటలపాటు పనిచేసే వారికి ‘హైపో థైరాయిడిజం’ ముప్పు ఉంటుందని దక్షిణకొరియాలోని నేషనల్‌ కేన్సర్‌ సెంటర్‌ శాస్త్రవేత్తలు
సియోల్‌, ఏప్రిల్‌ 1 : ఎక్కువ గంటలపాటు పనిచేసే వారికి ‘హైపో థైరాయిడిజం’ ముప్పు ఉంటుందని దక్షిణకొరియాలోని నేషనల్‌ కేన్సర్‌ సెంటర్‌ శాస్త్రవేత్తలు అంటున్నారు. దీని బారినపడే వారిలో థైరాయిడ్‌ గ్రంధి నుంచి తగిన మోతాదులో థైరాయిడ్‌ హార్మోన్‌ విడుదల కాదని తెలిపారు. ప్రధానంగా వారానికి 53 నుంచి 83 గంటలు పనిచేసే వారికి ఈ సమస్య ఎదురయ్యే అవకాశాలు ఎక్కువన్నారు. దీర్ఘకాలంలో హైపో థైరాయిడిజం హృద్రోగాలు, మధుమేహానికి దారితీస్తుందని హెచ్చరించారు.
