వాటికి పోటీగా... న్యూ హోండా అమేజ్ ఫేస్లిఫ్ట్...
ABN , First Publish Date - 2021-08-19T22:38:45+05:30 IST
జపనీస్ కార్ బ్రాండ్ హోండాను భారత మార్కెట్లో విక్రయిస్తున్న కాంపాక్ట్ సెడాన్ అమేజ్లో కొత్త ఫేస్లిఫ్ట్ వెర్షన్ను లాంచ్ చేసింది.
హైదరాబాద్ : జపనీస్ కార్ బ్రాండ్ హోండాను భారత మార్కెట్లో విక్రయిస్తున్న కాంపాక్ట్ సెడాన్ అమేజ్లో కొత్త ఫేస్లిఫ్ట్ వెర్షన్ను లాంచ్ చేసింది. ఈ కొత్త మోడల్ మొత్తం మూడు ట్రిమ్(ఈ, ఎస్, విఎక్స్) వేరియంట్లలో అందుబాటులో ఉంటాయి. వేరియంట్ను బట్టి ఢిల్లీ ఎక్స్ షోరూంలో రూ. 6.32-రూ. 11.15 లక్షల మధ్య అందుబాటులో ఉంటాయి. ఇవి పెట్రోల్, డీజిల్ రెండు పవర్ట్రెయిన్ ఆప్షన్లలో లభిస్తాయి. ఇక 1.2 లీటర్ ఇంజిన్తో కూడుకున్న పెట్రోల్ వేరియంట్... 90 హచ్పీ పవర్, 110 ఎన్ఎమ్ టార్క్ను ఉత్పత్తి చేస్తుంది. ఈ ఇంజిన్ 5 స్పీడ్ గేర్బాక్స్తో వస్తోంది.
ఇక... డీజిల్ వేరియంట్ అయితే 1.5 లీటర్ ఇంజిన్తో వస్తోంది. ఇది 100 హెచ్పి పవర్, 200 ఎన్ఎమ్ టార్క్ను ఉత్పత్తి చేస్తుంది. ఇది 5 స్పీడ్ మాన్యువల్ గేర్బాక్స్తో వస్తుంది. దీని సీవీటీ గేర్బాక్స్ 80 హెచ్పి పవర్, 160 ఎన్ఎమ్ టార్క్ను ఉత్పత్తి చేస్తుంది. పెట్రోల్ అయితే 18.6 కిలో మీటర్లు, డీజిల్ అయితే 24.7 కిలోమీటర్ల వరకు మైలేజీ ఇస్తుందని కంపెనీ తెలిపింది.
ఆన్లైన్ బుకింగ్ కోసం కంపెనీ అధికారిక వెబ్సైట్ ద్వారా రూ. 5 వేలు చెల్లించాల్సి ఉంటుంది. ఒకవేళ డీలర్షిప్ సెంటర్ ద్వారా బుకింగ్ చేసుకోవాలనుకుంటే రూ. 21 వేలు చెల్లించాలి. ఈ అమేజ్ ఫేస్లిఫ్ట్ సెడాన్ కారు మారుతి సుజుకి డిజైర్, హ్యుందాయ్ ఆరా, టాటా టిగోర్, ఫోర్డ్ అస్పైర్ కార్లకు గట్టి పోటీనివ్వనున్నట్లు భావిస్తున్నారు.