నేతన్న నేస్తంలో అర్హులకు అన్యాయం
ABN , First Publish Date - 2021-08-03T06:35:02+05:30 IST
నేతన్ననేస్తం పథకంలో అర్హులైన చేనేత కార్మికులకు అన్యాయం జరుగుతోందని చేనేత ఐక్యవేదిక నాయకుడు నాగరాజు అన్నారు. సోమవారం ఎంపీడీవో కార్యాలయం ఎదుట అర్హులైన చేనేత కార్మికులందరికీ నేతన్న నేస్తం ఇవ్వాలని కోరుతూ నిరసన కార్యక్రమం నిర్వహించారు.
మదనపల్లె రూరల్, ఆగష్టు 2: నేతన్ననేస్తం పథకంలో అర్హులైన చేనేత కార్మికులకు అన్యాయం జరుగుతోందని చేనేత ఐక్యవేదిక నాయకుడు నాగరాజు అన్నారు. సోమవారం ఎంపీడీవో కార్యాలయం ఎదుట అర్హులైన చేనేత కార్మికులందరికీ నేతన్న నేస్తం ఇవ్వాలని కోరుతూ నిరసన కార్యక్రమం నిర్వహించారు. ఈ సందర్భంగా ఆయన మాట్లాడుతూ... వివిధ రకాల సంక్షేమ పథకాలు అందుతున్నాయనే కారణంతో జాబితా నుంచి తొలగించారన్నారు. క్షేత్రస్థాయిలో అధికారులు పర్యటించి అర్హులైన ప్రతిఒక్కరికి నేతన్ననేస్తం ఇవ్వాలని డిమాండ్ చేశారు. ఈ కార్యక్రమంలో వెంకటరమణ, శ్రీనివాసులు, రామ్మూర్తి, వెంకటేష్, మోహన్రెడ్డి, శంకర్యాదవ్ తదితరులు పాల్గొన్నారు.