Abn logo
Apr 22 2021 @ 01:12AM

వినియోగదారుల విశ్వాసం వెలవెల

  • భయపెడుతున్న కొవిడ్‌ రెండో ఉధృతి


న్యూఢిల్లీ: పట్టణ ప్రాంత వినియోగదారులకు మళ్లీ కొవిడ్‌ భయం పట్టుకుంది. దీంతో ఎక్కడ తమ ఉద్యోగాలు, పొదుపు, పెట్టుబడులకు కోతపడుతోందని భయపడుతున్నారు.  రెఫినిటివ్‌-ఇప్సోస్‌ ప్రైమరీ కన్స్యూమర్‌ సెంటిమెంట్‌ ఇండెక్స్‌ (పీసీఎ్‌సఐ) సర్వేలో ఈ విష యం స్పష్టంగా వెల్లడైంది. ఉద్యోగాలు, పర్సనల్‌ ఫైనా న్స్‌, ఆర్థిక వ్యవస్థ, పెట్టుబడులపై వినియోగదారుల విశ్వాసం ఎలా ఉందనే విషయాలపై ఈ సంస్థ ప్రతి నెలా సర్వే చేస్తుంది. గత నెల 26 నుంచి ఈ నెల 9 వరకు చేసిన సర్వేలో ఈ విశ్వాసం 1.1 శాతం పడిపోయింది. ఈ నాలుగు అంశాల్లోనూ పట్టణ వినియోగదారుల విశ్వాసం 0.6 శాతం నుంచి 1.5 శాతం వరకు తగ్గింది. కొవిడ్‌ రెండో దశ ఉధృతి నేపథ్యంలో వ్యక్తిగత ఆర్థిక పరిస్థితులు మరింత క్షీణించే ప్రమాదం ఉందని ఎక్కువ మంది ఆందోళన వ్యక్తం చేశారు. ఈ ఉధృతి ఇప్పటికే జీవనోపాధిని, సాధారణ పరిస్థితులను మార్చేసిందని సర్వేలో పాల్గొన్న వారిలో ఎక్కువ మంది చెప్పారు. మళ్లీ ఉద్యోగాలు, జీతాలకు కోత పడితే, ఇప్పటి వరకు దాచుకున్న పొదుపు లేదా పెట్టుబడుల కు చిల్లు పెట్టక తప్పదని ఎక్కువ మంది ఆందోళన వ్యక్తం చేశారు. 

Advertisement
Advertisement
Advertisement