పంజాబీలో మాట్లాడుతున్న రోబో
ABN , First Publish Date - 2021-02-24T17:52:21+05:30 IST
పంజాబ్లోని భోగ్పూర్ పరిధిలోగల రోహ్జడీ గ్రామంలోని...
జలంధర్: పంజాబ్లోని భోగ్పూర్ పరిధిలోగల రోహ్జడీ గ్రామంలోని ప్రాథమిక పాఠశాలకు చెందిని ఒక ఉపాధ్యాయుడు వినూత్న రోబోను తయారు చేశారు. ఈ రోబో పంజాబీ బాషలో మాట్లాడటమే కాకుండా అర్థం చేసుకుంటుంది. పంజాబీలో ఏదైనా ప్రశ్నించినపుడు దానికి సమాధానం కూడా ఇస్తుంది. ఈ రోబో పేరు సర్బంస్ కౌర్. ఈ రోబోను పాఠశాలలో జరిగిన ఒక కార్యక్రమంలో ఆవిష్కరించారు. ఈ రోబో గురించి ఉపాధ్యాయుడు హర్జీత్ మాట్లాడుతూ భవిష్యత్లో ఈ రోబోను విభిన్న రంగాల్లో వినియోగిస్తామని తెలిపారు. వినియోగదారులకు ఈ రోబో ఎంతో ఉపయోగపడుతుందని అన్నారు. ఈ సందర్భంగా ఉపాధ్యాయులు, విద్యార్థులు అడిగిన ప్రశ్నలకు రోబో చక్కగా సమాధానాలు తెలిపింది. ఇతరదేశాలతో పోలిస్తే అత్యంత తక్కువ ఖర్చుతో ఈ రోబోను తయారు చేశామని రోబోను రూపొందించిన హర్జీత్ తెలిపారు.