బరువు తగ్గడానికి...
ABN , First Publish Date - 2021-09-12T05:30:00+05:30 IST
జీరా వాటర్ను తాగడం వల్ల అనేక ప్రయోజనాలున్నాయి. ముఖ్యంగా బరువు తగ్గాలనుకునే వారికి ఇది మంచి డ్రింక్. రాత్రి ఒక గ్లాసు నీళ్లలో కొద్దిగా జీలకర్ర వేసి పెట్టుకోవాలి. ఉదయాన్నే ఆ నీటిని తాగాలి...
జీరా వాటర్ను తాగడం వల్ల అనేక ప్రయోజనాలున్నాయి. ముఖ్యంగా బరువు తగ్గాలనుకునే వారికి ఇది మంచి డ్రింక్. రాత్రి ఒక గ్లాసు నీళ్లలో కొద్దిగా జీలకర్ర వేసి పెట్టుకోవాలి. ఉదయాన్నే ఆ నీటిని తాగాలి.
- జీలకర్రలో యాంటీ ఆక్సిడెంట్లు పుష్కలం. శరీరంలోని టాక్సిన్స్ను బయటకు పంపడానికి ఇది బాగా ఉపయోగపడుతుంది. జీవక్రియల రేటు మెరుగుపడుతుంది. ఫలితంగా బరువు తగ్గుతారు.
- జీలకర్ర నీటిని తాగడం వల్ల ఎసిడిటీ, పొట్ట ఉబ్బరం, అజీర్ణం వంటి సమస్యల నుంచి ఉపశమనం లభిస్తుంది. కడుపు నొప్పితో బాధపడుతున్న వారికి ఇది పెయిన్ కిల్లర్లా పనిచేస్తుంది.
- జీలకర్ర ఇన్సులిన్ ఉత్పత్తిని స్టిమ్యులేట్ చేస్తుంది. శరీరంలో షుగర్ లెవెల్స్ నియంత్రణలో ఉంచేందుకు సహాయపడుతుంది. అందుకే డయాబెటిస్ ఉన్న వారికి పరగడుపున జీలకర్ర నీటిని తాగమని నిపుణులు సూచిస్తుంటారు.
- జీరా వాటర్లో పొటాషియం పాళ్లు ఎక్కువ. ఉప్పు అధికంగా తీసుకోవడం వల్ల కలిగే దుష్ప్రభావాలను ఇది నిరోధిస్తుంది. రక్తపోటును నియంత్రించేందుకు సహాయపడుతుంది.
- ఇందులో ఐరన్, పీచుపదార్థం పాళ్లు ఎక్కువ. అందుకే ఇమ్యూనిటీ పెంచుకునేందుకు జీలకర్ర నీటిని తీసుకోవాలి.
- జీలకర్ర నీటిలో పొటాషియం, కాల్షియం, సెలీనియం, కాపర్, మెగ్నీషియం పాళ్లు ఎక్కువగా ఉంటాయి. చర్మ ఆరోగ్యానికి ఇవి బాగా పనికొస్తాయి.