జీవీకే, ఈఎంఆర్‌ఐ-108 సంస్థలో ఉద్యోగ నియామకాలు

కందుకూరు : జీవీకే, ఈఎంఆర్‌ఐ-108 సంస్థ ఆధ్వర్యంలో రంగారెడ్డి జిల్లాలో పనిచేయుటకు  నిరుద్యోగ యువతకు ఉద్యోగ నియామకాలను చేపట్టనున్నట్లు ఆ సంస్థ ప్రోగ్రాం మేనేజర్‌ నరేందర్‌  శుక్రవారం ఓ ప్రకటనలో తెలిపారు. పైౖలెట్స్‌, ఎమర్జెన్సీ మెడికల్‌ టెక్నీషియన్‌ పోస్టులు ఖాళీగా ఉన్నట్లు తెలిపారు. ఈ నెల 10న హయత్‌నగర్‌లోని 108 కార్యాలయంలో ఇంటర్వ్యూలు నిర్వహిస్తున్నట్లు తెలిపారు. పైలెట్స్‌ నియామకానికి 10వ తరగతి ఉత్తీర్ణత, బ్యాడ్జ్‌ డ్రైవింగ్‌ లైసెన్స్‌తోపాటు 2 సంవత్సరాల అనుభవం కలిగి ఉండాలన్నారు. ఈఎంటీ నియామకానికి బీఎస్సీ(బీజడ్‌సీ) లేదా లైఫ్‌ సైన్స్‌ గ్రూప్‌, బీఎస్సీ ఎంఎల్‌టీ, డీఎంఎల్‌ కలిగి ఉండాలన్నారు. ఆసక్తిగల అభ్యర్థులు నేరుగా హయత్‌నగర్‌లోని తమ కార్యాలయానికి రావాలని కోరారు. ఇతర సమాచారానికి 9154269817 నెంబర్‌లో సంప్రదించాలని కోరారు.