కడపలో దారుణం..అనుమానంతో భార్యను చంపిన భర్త

కడప: జిల్లాలో దారుణం చోటు చేసుకుంది. భార్యాభర్తల మధ్య అనుమాన భూతం చిచ్చు పెట్టి హత్యకు దారి తీసింది...గత కొన్ని రోజులుగా తన భార్య మరొకరితో అక్రమ సంబంధం పెట్టుకున్నదే అనుమానంతో అతికిరాతకంగా హత్య చేశాడు. ఈ ఘటన కడపలోని రవీంద్రనగర్‎లో జరిగింది. మహిళను హత్య చేస్తున్న సమయంలో అక్కడున్న మరో మహిళ అడ్డుకోబోయింది. ఆ మహిళపై కూడా కిరాతకంగా కత్తితో దాడి చేసాడు.  దీంతో సదరు మహిళకు తీవ్ర గాయాలు కావడంతో అక్కడున్న స్థానికులు వెంటనే పోలీసులకు సమాచారం ఇచ్చారు. హుటాహుటిన ఘటనా స్థలానికి చేరుకున్న పోలీసులు మహిళను కడప రిమ్స్ ఆస్పత్రికి తరలించారు. అనంతరం నిందితుడిపై కేసు నమోదు చేసుకుని దర్యాప్తు చేస్తున్నారు. ఈ ఘటనపై ఇంకా పూర్తి సమాచారం తెలియాల్సివుంది.