కువైట్లో ఒకేరోజు 1,041 కేసులు...
ABN , First Publish Date - 2020-05-22T17:52:29+05:30 IST
గల్ఫ్ దేశాలను గడగడలాడిస్తున్న మహమ్మారి కరోనా వైరస్... కువైట్లో రోజురోజుకీ విజృంభిస్తోంది.
కువైట్ సిటీ: గల్ఫ్ దేశాలను గడగడలాడిస్తున్న మహమ్మారి కరోనా వైరస్... కువైట్లో రోజురోజుకీ విజృంభిస్తోంది. గురువారం ఒకేరోజు 1,041 కొత్త కేసులు నమోదయ్యాయి. దీంతో కువైట్లో కోవిడ్-19 బారిన పడ్డ వారి సంఖ్య 18,609కి చేరిందని ఆ దేశ ఆరోగ్య మంత్రిత్వ శాఖ వెల్లడించింది. కాగా, నిన్న 320 మంది కోలుకుని ఆస్పత్రిని నుంచి డిశ్చార్జి అయ్యారు. దీంతో ఇప్పటివరకు కోలుకున్న వారు 5,205 మంది అయ్యారని ఆరోగ్యశాఖ అధికారులు తెలిపారు. అలాగే గురువారం సంభవించిన ఐదు మరణాలతో కలిపి దేశవ్యాప్తంగా మొత్తం 129 మంది ఈ మహమ్మారికి బలయ్యారు. ఇదిలాఉంటే... ప్రపంచవ్యాప్తంగా ఈ వైరస్ బాధితులు 50 లక్షలు దాటిపోగా, మృతుల సంఖ్య 3.34 లక్షలుగా ఉంది.