అంత్యక్రియలు పూర్తయ్యాక.. అతడికి కరోనా ఉందని ఆలస్యంగా చెప్పడంతో..
ABN , First Publish Date - 2020-07-31T18:00:21+05:30 IST
కొవిడ్ మృతుడి వివరాలు అందజేయడంలో అధికారులు నిర్లక్ష్యం చేయడంతో కొవిడ్ నిబంధనలు పాటించకుండానే గ్రామస్థులు మృతదేహానికి అంత్యక్రియలు నిర్వహించారు. మండలంలోని చల్లగరిగ
ఆలస్యంగా కొవిడ్ మృతుడి వివరాలు
అంత్యక్రియల అనంతరం అందిన సమాచారం
భయాందోళనలో చల్లగిరిగ గ్రామస్థులు
చిట్యాల(వరంగల్): కొవిడ్ మృతుడి వివరాలు అందజేయడంలో అధికారులు నిర్లక్ష్యం చేయడంతో కొవిడ్ నిబంధనలు పాటించకుండానే గ్రామస్థులు మృతదేహానికి అంత్యక్రియలు నిర్వహించారు. మండలంలోని చల్లగరిగ గ్రామానికి చెందిన వ్యక్తి (63) ఈ నెల 18న అనారోగ్యానికి గురికాగా ప్రైవేటుగా కొవిడ్ పరీక్షలు చేయించుకున్నాడు. పాజిటివ్గా తేలడంతో ఎంజీఎం ఆస్పత్రిలో చేరి చికిత్స పొందుతూ బుధవారం మృతి చెందాడు. ఎంజీఎం అధికారులు ఈ సమాచారాన్ని జిల్లా, మండల అధికారులకు సకాలంలో ఇవ్వకపోవడంతో బుధవారం రాత్రి గ్రామస్థులు కొవిడ్ నిబంధనలు పాటించకుండా అంత్యక్రియలు నిర్వహించారు.
అంత్యక్రియల అనంతరం గురువారం ఉదంయ మృతుడికి కరోనా సోకినట్లు కొవిడ్ సర్వేలైన్స్ అధికారులకు సమాచారం అందింది. ఈ విషయం సర్పంచ్, గ్రామస్థులకు తెలవడంతో అంత్యక్రియలకు హాజరైన వారందరూ ఆందోళనకు గురవుతున్నారు. అంతిమయాత్రకు సుమారు 80 మంది హాజరుకాగా వారందరు హోం క్వారంటైన్లో ఉండాలని సర్పంచ్ సూచించారు. గ్రామంలోని అన్ని వార్డుల్లో శానిటైజేషన్ చేశారు.