రుణ చెల్లింపు సామర్థ్యం తగ్గింది

• కొవిడ్‌పై పైసాబజార్‌ అధ్యయనంలో వెల్లడి
  
• మూడో స్థానంలో హైదరాబాద్‌
• 
  

హైదరాబాద్‌ (ఆంధ్రజ్యోతి బిజినెస్‌): కరోనా వైరస్‌ ప్రజల ఆదాయం, రుణ చెల్లింపు సామర్థ్యంపై తీవ్ర ప్రతికూల ప్రభావాన్ని చూపింది. దేశంలోని 6 ప్రధాన మెట్రో నగరాల్లో ప్రజల ఆదాయం తగ్గడంతో రుణ చెల్లింపు సామర్థ్యం విశేషం గా  క్షీణించింది. ఇందులో హైదరాబాద్‌ 3వ స్థానంలో ఉంది. ఢిల్లీ-ఎన్‌సీఆర్‌, ముంబైలపై అత్యధిక ప్రభావం ఉందని పైసాబజార్‌  అధ్యయనంలో వెల్లడైంది.  35 పట్టణాలకు చెందిన 24-57 సంవత్సరాల మధ్య వయసున్న, రూ.లక్ష పైబడిన ఆదాయం గల 8,500 మందిపై అధ్యయనం నిర్వహించింది. 

1. కొవిడ్‌ నిబంధనల కారణంగా ఆదాయం కోల్పోయామని 86శాతం మంది స్వయం ఉపాధి ఖాతాదారులు తెలిపారు. ఆదాయం జీరో స్థాయికి వచ్చిందని నాలుగో వంతుకు పైగా ఖాతాదారులు వెల్లడించారు.
   
2. వేతన జీవుల్లో 56శాతం మంది తమ వేతనంపై కొవిడ్‌ ప్రభావం ఉందన్నారు. హైదరాబాదీల్లో 63శాతం మంది ఆదాయంపై ప్రతికూల ప్రభావం ఉందని చెప్పారు.  20శాతం మంది పూర్తిగా ఆదాయం కోల్పోయినట్టు వెల్లడించారు.
3. హైదరాబాద్‌కు చెందిన దాదాపు 80శాతం మంది స్వయం ఉపాధి ఖాతాదారులు, 58ు వేతన జీవులు తమ ఆదాయాలు తగ్గాయని తెలిపారు.