టీడీపీ జిల్లా కార్యాలయంలో లోకేశ్ జన్మదిన సందడి
ABN , First Publish Date - 2022-01-24T06:28:39+05:30 IST
తెలుగుదేశం పార్టీ జిల్లా కార్యాలయంలో ఆదివారం పార్టీ జాతీయ ప్రధాన కార్యదర్శి, మాజీ మంత్రి నారా లోకేశ్ జన్మదినోత్సవాన్ని ఘనంగా నిర్వహించారు.
పాల్గొన్న జిల్లా స్థాయి నాయకులు
విశాఖపట్నం, జనవరి 23: తెలుగుదేశం పార్టీ జిల్లా కార్యాలయంలో ఆదివారం పార్టీ జాతీయ ప్రధాన కార్యదర్శి, మాజీ మంత్రి నారా లోకేశ్ జన్మదినోత్సవాన్ని ఘనంగా నిర్వహించారు. పార్టీ విశాఖ పార్లమెంటరీ నియోజకవర్గం అధ్యక్షుడు పల్లా శ్రీనివాస్, ఎమ్మెల్సీ దువ్వారపు రామారావు, జీవీఎంసీ ఫ్లోర్ లీడర్ పీలా శ్రీనివాసరావు, దక్షిణం ఇన్చార్జి గండి బాబ్జీ ఆధ్వర్యంలో నిర్వహించిన కార్యక్రమంలో నారా లోకే్శ్ అన్న అక్షరాలతో రూపొందించిన కేక్ కట్చేసి పంచిపెట్టారు.
అనంతరం పలువురు నాయకులు మాట్లాడుతూ పార్టీ అభ్యున్నతి, కార్యకర్తల సంక్షేమం కోసం లోకేశ్ చేస్తున్న కృషిని కొనియాడారు. ఈ కార్యక్రమంలో పార్టీ నాయకులు పాశర్ల ప్రసాద్, తమ్మినేని మోహనరావు, లొడగల కృష్ణ, బొట్టా పరదేశియాదవ్, సురేంద్ర, పెంటిరాజు, కోనేటి సురేష్, యల్లపు శ్రీనివాస్, జగదీష్ తదితరులు పాల్గొన్నారు.