Server-153
desktop_rhs_sticky_ad
desktop_lhs_sticky_ad
Abn logo
Feb 14 2020 @ 15:44PM

‘వాలంటైన్స్ డే’న అమరావతి గర్ల్స్ స్కూల్లో ప్రతిజ్ఞ.. వీడియో వైరల్..!

ఫిబ్రవరి 14వ తేదీ రాగానే ప్రేమికుల సందడి, పార్కుల్లో భజరంగదళ్ హడావుడి కనిపించడం సహజం. అయితే.. మహారాష్ట్రలోని అమరావతి పరిధిలో తాజాగా జరిగిన ఓ ఘటన ప్రస్తుతం చర్చనీయాంశంగా మారింది. ఓ గర్ల్స్ స్కూల్‌లో బాలికలతో ఆ స్కూల్ సిబ్బందిలోని ఒకరు వాలంటైన్స్ డేన చేయించిన ప్రతిజ్ఞ వైరల్‌గా మారింది. ‘మేము ఎవరినీ ప్రేమించం.. ప్రేమ వివాహం చేసుకోం’ అని బాలికలతో ఆ వ్యక్తి ప్రతిజ్ఞ చేయించాడు. ఆ ఘటనకు సంబంధించిన వీడియో నెట్‌లో హల్‌చల్ చేస్తోంది.


45 సెకన్ల నిడివితో కూడిన ఈ వీడియోను వినోద్ అనే వ్యక్తి తన ట్విట్టర్‌లో పోస్ట్ చేస్తూ ఆ రాష్ట్ర బీజేపీ వైస్ ప్రెసిడెంట్ చిత్ర వాఘ్, బీజేపీ నేత పంకజ ముండే, విద్యా శాఖ మంత్రి వర్ష గైక్వాడ్, స్థానిక ఎమ్మెల్యే ఉదయ్ సామంత్‌ ట్విట్టర్‌ ఖాతాలకు ట్యాగ్ చేశాడు. దీంతో.. ఈ ఘటనపై బీజేపీ నేత పంకజ ముండే స్పందించారు. చింతూరు ప్రాంతంలోని స్కూల్లో ఈ ఘటన జరిగిందని, ఇది హాస్యాస్పదమని.. కేవలం బాలికలు మాత్రమే ఎందుకు ప్రతిజ్ఞ చేయాలని ఆమె తన ట్వీట్‌లో ప్రశ్నించారు.

Advertisement
Advertisement