హెల్త్ ఆఫీసర్ల రిటైర్మెంట్ వయసును పెంచిన మహారాష్ట్ర సర్కారు!

ABN , First Publish Date - 2021-07-15T14:35:21+05:30 IST

మహారాష్ట్రలో పనిచేస్తున్న ప్రభుత్వ సివిల్ సర్జన్లు...

హెల్త్ ఆఫీసర్ల రిటైర్మెంట్ వయసును పెంచిన మహారాష్ట్ర సర్కారు!

ముంబై: మహారాష్ట్రలో పనిచేస్తున్న ప్రభుత్వ సివిల్ సర్జన్లు, ఆరోగ్యవిభాగానికి చెందిన ఇతర ఉన్నతాధికారుల రిటైర్మెంట్ వయసును 60 ఏళ్ల నుంచి 62 ఏళ్లకు పెంచుతున్నట్లు రాష్ట్ర ఆరోగ్యశాఖ మంత్రి రాజేష్ తోపే ప్రకటించారు. ఆయన మీడియాతో మాట్లాడుతూ  రాష్ట్రంలోని ప్రభుత్వ ఆరోగ్యశాఖలో పనిచేస్తున్న ఉన్నతాధికారుల రిటైర్మెంట్ వయసు పెంపుదలపై రాష్ట్ర మంత్రిమండలి సమావేశంలో నిర్ణయం తీసుకున్నామన్నారు. కరోనా కాలంలో వైద్యుల సేవలు వినియోగమవుతాయన్న ఉద్దేశంతో ఈ నిర్ణయం తీసుకోవాల్సివచ్చిందన్నారు. ఈ విషయమై రాష్ట్ర ఆరోగ్యశాఖకు చెందిన ఒక అధికారి మాట్లాడుతూ ఈ ఏడాదితో 60 ఏళ్ల వయసు నిండిన వైద్య విభాగానికి చెందిన వైద్యులు, అధికారులు మరో రెండేళ్లు, అంటే వారికి 62 ఏళ్ల వచ్చేవరకూ ఉద్యోగంలో కొనసాగే అవకాశం కలిగిందన్నారు. 

Updated Date - 2021-07-15T14:35:21+05:30 IST