Abn logo
Nov 28 2020 @ 00:44AM

మూడు రోడ్లకు మహర్దశ

విస్తరణ, అభివృద్ధి పనులకు

రూ.68 కోట్ల కేంద్రం నిధులు

పరిపాలనా ఆమోదం తెలిపిన రాష్ట్ర ప్రభుత్వం


విశాఖపట్నం, నవంబరు 27 (ఆంధ్రజ్యోతి): కేంద్ర ప్రభుత్వ నిధులు రూ.68 కోట్లతో జిల్లాలో మూడు రహ దారుల విస్తరణ, అభివృద్ధికి రాష్ట్ర ప్రభుత్వం శుక్రవారం పాలనాపరమైన అనుమతులను మంజూరుచేసింది. కశిం కోట-బంగారుమెట్ట (బుచ్చెయ్యపేట మండలం) 24.065 కిలోమీటర్ల రోడ్డుకు రూ.32 కోట్లు, జాతీయ రహదారి నుంచి పద్మనాభం మండలం రేవిడి వెంకటా పురం నుంచి ఐనాడ, కోరాడ, మజ్జిపేట మీదుగా విజయనగరం- రాయ్‌పూర్‌ జాతీయ రహదారిని కలుపుతూ 11.560 కి.మీ. రోడ్డుకు రూ.16 కోట్లు, చోడవరం మండలం గవరవరం నుంచి దేవరాపల్లి మండలం కాశీపురం వరకు 15.295 కి.మీ. రోడ్డుకు రూ.20 కోట్లను కేంద్ర ప్రభుత్వం మంజూరు చేసింది. ఈ రహదారుల విస్తరణ, అభివృద్ధి పనులకు ఆర్‌అండ్‌బీ అధికారులు ఇప్పటికే టెండర్లు పిలిచారు.

Advertisement
Advertisement
Advertisement