హర్యానాలో భారీ అగ్నిప్రమాదం

పానిపట్‌: హర్యానా రాష్ట్రంలోని పానిపట్ సిటీ సమీపంలో ఘోర అగ్నిప్రమాదం జరిగింది. హర్యానాలోని పానిపట్‌లోని ఒక ఫ్యాక్టరీలో శుక్రవారం భారీ అగ్ని ప్రమాదం సంభవించినట్లు అగ్నిమాపక శాఖ అధికారులు తెలిపారు. మంటల్లో ఎవరూ గాయపడలేదని వారు తెలిపారు. 10 గంటలకు పైగా చెలరేగిన మంటలను నియంత్రించడానికి 13 ఫైర్ ఇంజిన్లను ఉపయోగించినట్లు అధికారులు తెలిపారు. కార్పెట్‌లు మరియు బాత్ మ్యాట్‌లను తయారు చేసే ఫ్యాక్టరీ నివాస ప్రాంతానికి సమీపంలో ఉన్నందున, సమీపంలో నివసించే ప్రజలను ముందు జాగ్రత్త చర్యగా వారిని ప్రాంగణం నుంచి బయటకు తరలించినట్లు అగ్నిమాపక శాఖ అధికారి ఒకరు తెలిపారు. ప్రమాదానికి గురైన ఈ ఫ్యాక్టరీ జటల్ రోడ్డులో ఉంది. అగ్ని ప్రమాదంలో ఎవరూ గాయపడలేదని అని పానిపట్ స్టేషన్ అగ్నిమాపక అధికారి యాద్వీందర్ శర్మ చెప్పారు. అగ్నిప్రమాదానికి కారణం వెంటనే తెలియదని ఆయన తెలిపారు. మంటలు పూర్తిగా అదుపులోకి వచ్చిన తర్వాత వస్తువులు మరియు ఆస్తి నష్టాన్ని అంచనా వేస్తామని అధికారులు చెప్పారు. సంఘటనా స్థలంలో ప్రమాద పరిస్థితిని సీనియర్ అధికారులు పర్యవేక్షిస్తున్నారు. పానిపట్ నుంచి బీజేపీ ఎమ్మెల్యే ప్రమోద్ విజ్ కూడా సంఘటనా స్థలాన్ని సందర్శించారు.