ఇంట్లోనే మట్టి గణపతి!
ABN , First Publish Date - 2021-09-09T05:30:00+05:30 IST
ఇంట్లోనే మట్టి గణపతి చేసేయండి ఇలా
కావలసినవి
బంకమట్టి, నీళ్లు, టూత్పిక్స్, కత్తి, ఆర్గానిక్ కలర్స్
ఇలా చేయాలి...
- మట్టిలో కొద్దిగా నీళ్లు పోసి కలుపుకోవాలి. నీళ్లు ఎక్కువ పోయకూడదు. మట్టి బాగా మెత్తగా కాకుండా చూసుకోవాలి.
- ఇప్పుడు ప్రతిమను తయారీకి అవసరమైన భాగాలుగా మట్టిని విభజించుకోవాలి. పొట్ట, తల, చెవులు, తొండం, ముఖం, కాళ్లు, చేతులు, దంతాలకు సరిపడా మట్టిని విడగొట్టాలి.
- ప్రతిమను కూర్చోబెట్టడానికి అనువుగా బేస్ భాగాన్ని ఏర్పాటు చేసుకోవాలి. దీనిపై పొట్ట భాగం పెట్టాలి. తరువాత కాళ్లు రెండు అతికించాలి. కొద్దిగా తడి అద్దుతూ అతికించవచ్చు లేదా టూత్పిక్స్తో జాయింట్ చేయవచ్చు.
- అలాగే పొట్టపైన తలభాగం, చేతులు అతికించాలి. కుడి చెయ్యి ఆశీర్వదిస్తున్నట్టుగా పెట్టాలి. ఎడమ చెయ్యిలో లడ్డూ(చిన్న మట్టి ముద్ద) పెట్టాలి. తరువాత చెవులు, తొండం అంటించాలి. టూత్పిక్లను దంతాలుగా పెట్టాలి.
- ఇప్పుడు కాస్త మట్టిని తీసుకుని కళ్లలా అంటించాలి. కిరీటం చేసి పెట్టాలి.
- వినాయకుడు కలర్ఫుల్గా ఉండాలనుకుంటే ఆర్గానిక్ కలర్స్ వేసుకోవాలి. అంతే... మట్టి గణపతి రెడీ.