నటరాజాసనంతో బ్యాలెన్సింగ్!
ABN , First Publish Date - 2020-11-05T05:30:00+05:30 IST
ఫిట్నెస్ కోసం ప్రయత్నించే వారు యోగాసనాలను సాధన చేస్తే అనుకున్న ఫలితాలు వస్తాయి. నటరాజాసనంతో తొడ, తుంటి భాగంలోని కండరాలు, వెన్నెముక దగ్గర్లోని కండరాలు దృఢంగా మారుతాయి. ఈ మధ్యే కరోనా నుంచి కోలుకున్న బాలీవుడ్ భామ మలైకా ఆరోరా...
ఫిట్నెస్ కోసం ప్రయత్నించే వారు యోగాసనాలను సాధన చేస్తే అనుకున్న ఫలితాలు వస్తాయి. నటరాజాసనంతో తొడ, తుంటి భాగంలోని కండరాలు, వెన్నెముక దగ్గర్లోని కండరాలు దృఢంగా మారుతాయి. ఈ మధ్యే కరోనా నుంచి కోలుకున్న బాలీవుడ్ భామ మలైకా ఆరోరా తిరిగి ఫిట్నెస్ సాధించేందుకు నటరాజాసనం సాధన చేస్తున్నారు.
- ముందుగా నేలపై నిటారుగా నిల్చోవాలి. ఒక పొడవైన కర్రను కుడి చేతితో పట్టుకోవాలి.
- ఇప్పుడు శ్వాస తీసుకొని, ఎడమ మోకాలిని వెనక్కి వంచాలి.
- శ్వాస వదులుతూ ఎడమ చేతితో ఎడమ కాలును పట్టుకొని కొద్దిగా పైకి తీసుకురావాలి.
- ఎడమ పాదం సీలింగ్ వైపు చూస్తున్నట్టుగా ఉండాలి. మోకాలుతో శరీరం మీద వ్యతిరేకదిశలో ఒత్తడి పెంచాలి.
- ఈ భంగిమలో 10 నుంచి 15 సెకన్ల పాటు ఉండి, యథాస్థానానికి రావాలి.