Abn logo
Apr 15 2021 @ 20:18PM

వావ్.. ఆపిల్ పండ్లు ఆర్డరిస్తే ఐఫోన్ వచ్చేసింది!

ఇంటర్నెట్ డెస్క్: ఆన్‌లైన్‌లో ఆర్డర్ ఇచ్చిన వస్తువుకు బదులు నకిలీదో లేదా పనికిరాని మరో వస్తువేదో డెలివరీ అయితే వచ్చే కోపం ఇంతా అంతా కాదు..! ఎంతో ఆత్రుతగా ఎదురు చూస్తున్న సమయంలో..కలిగే అసహనం గురించి ఎంత చెప్పుకున్నా తక్కువే. ఆన్‌లైన్ షాపింగ్ చేసేవారందరికీ ఈ ఫీలింగ్ తెలుసు. మరి..మనం ఆర్డర్ పెట్టిన దానికంటే విలువైన వస్తువు చేతిలో పడితే ఆ ఆనందం మాటల్లో వర్ణించలేం. సరిగ్గా అలాంటి అనుభవమే ఓ బ్రిటన్ వ్యక్తికి ఎదురైంది. ట్వికెన్‌హామ్‌కు చెందిన నిక్ జేమ్స్ ఆపిల్ పళ్లు కావాలంటూ స్థానిక సూపర్ మార్కెట్ టెస్కోలో ఇటీవల ఆర్డరిచ్చి వచ్చాడు. కొన్ని రోజుల తరువాత..తను ఆర్డరిచ్చింది వచ్చినట్టు ఫోన్ రావడంతో బుధవారం నాడు ఆయన టెస్కోకు వెళ్లాడు. అక్కడి సిబ్బంది నిక్ ముందు ఓ బ్యాగ్ పెడుతూ ‘మీకో సర్‌ప్రైజ్ ఉంది’ అని అన్నారు. 

అయితే.. నిక్ ఏమీ పెద్దగా సంబరపడిపోలేదు. చిన్న బహుమతి ఏదో ఉండి ఉంటుందిలే అనుకుంటూ కాస్తంత అనాసక్తిగానే బ్యాగ్ తెరిచాడు. కానీ..అందులో ఉన్న గిఫ్ట్ ఏంటో తెలిసే సరికి..జాక్ పాట్ కొట్టేశానని అర్థమై ఆయన ఎగిరి గంతేశాడు. కారణం.. నిక్ ఆపిల్ పళ్లు ఆర్డర్ చేస్తే ఏకంగా యాపిల్ ఐఫోన్ ఎస్‌ఈ వచ్చింది. టెస్కో కంపెనీ తన వినియోగదారుల కోసం ఇటీవల ఓ ప్రోత్సాహకర ఆఫర్ ప్రకటించింది. ఆపిల్, శాంసంగ్ వంటి ఖరీదైన గాడ్జెట్స్‌ను తన వినియోగదారులకు ఉచితంగా ఇస్తోంది. ఈ ఆఫర్ ఎప్రిల్ 18 వరకూ కొనసాగనుందట. ఈ క్రమంలో నిక్ జేమ్స్ అదృష్టం పండి.. ఐఫోన్ చేతిలో పడింది.

Advertisement
Advertisement