క్యాపిటల్ భవనం వద్ద బారికేడ్లపై దూసుకెళ్లిన కారు.. ఒకరి మృతి

ABN , First Publish Date - 2021-04-03T13:05:41+05:30 IST

అమెరికా రాజధాని వాషింగ్టన్‌లో అధ్యక్ష భవనం వద్ద బారికేడ్లపై ఓ కారు దూసుకెళ్లింది.

క్యాపిటల్ భవనం వద్ద బారికేడ్లపై దూసుకెళ్లిన కారు.. ఒకరి మృతి

ఓ పోలీసు మృతి, మరొకరికి గాయాలు

అదుపులోకి అనుమానితుడు

వాషింగ్టన్‌, ఏప్రిల్‌ 2: అమెరికా రాజధాని వాషింగ్టన్‌లో అధ్యక్ష భవనం వద్ద బారికేడ్లపై ఓ కారు దూసుకెళ్లింది. ఈ ఘటనలో ఓ పోలీసు చనిపోగా.. మరొకరు గాయపడ్డారు. శుక్రవారం మధ్యాహ్నం అధ్యక్ష భవనానికి సమీపంలో ఓ చెక్‌పోస్టు వద్ద పోలీసులు తనిఖీ చేస్తుండగా ఉన్నట్లుండి ఓ కారు ఇద్దరు పోలీసులపైకి దూసుకువెళ్లింది. వెంటనే అప్రమత్తమైన పోలీసులు అనుమానితుడిపై కాల్పులు జరిపి అదుపులోకి తీసుకున్నారు. గాయపడిన ఓ పోలీసుతో పాటు అతడిని కూడా ఆసుపత్రికి తరలించారు. ఘటనపై దర్యాప్తు చేస్తున్నామని అధికారులు తెలిపారు.


Updated Date - 2021-04-03T13:05:41+05:30 IST