బంగారం లాంటి భార్య.. ముద్దులొలికే కూతురు.. అయినా ఆ భర్తలో పాడు బుద్ధి.. పక్కా ప్లాన్తో సొంత తమ్ముడితోనే..
ABN , First Publish Date - 2021-11-17T21:10:49+05:30 IST
అతడి పేరు రవి కిరణ్.. సీఐఎస్ఎఫ్ జవాన్.. అతడికి ఆరేళ్ల క్రితం దీపిక అనే యువతితో వివాహం జరిగింది..
అతడి పేరు రవి కిరణ్.. సీఐఎస్ఎఫ్ జవాన్.. అతడికి ఆరేళ్ల క్రితం దీపిక అనే యువతితో వివాహం జరిగింది.. ఈ జంటకు నాలుగేళ్ల ముద్దులొలికే కూతురు ఉంది.. ఎలాంటి ఇబ్బందులూ లేకుండా హాయిగా సాగాల్సిన జీవితం.. అయితే ఇంట్లో అందమైన భార్య ఉన్నా రవికిరణ్ వేరే మహిళతో సంబంధం పెట్టుకున్నాడు.. అడ్డుగా ఉన్న భార్యను చంపెయ్యాలనుకున్నాడు.. సొంత తమ్ముడితోనే కాంట్రాక్టు మాట్లాడుకుని భార్యను చంపించేశాడు.. చివరకు పోలీసులకు చిక్కి జైలు పాలయ్యాడు.
బీహార్లోని భాగల్పూర్కు చెందిన దీపిక హత్య కేసులో మిస్టరీని పోలీసులు ఛేదించారు. 2019లో హత్యకు గురైన దీపిక కేసులో నిందితులను పట్టుకున్నారు. దీపిక హత్యకు భర్తే పథకం రచించాడని వెల్లడించారు. సొంత తమ్ముడు ఛోటు శర్మకు రూ.1.20 లక్షలు ఇచ్చి మర్డర్కు స్కెచ్ వేశాడు. అతడు మరో ఇద్దరిని నియమించుకుని సొంత వదినను తుపాకీతో కాల్చి చంపేశాడు. కేసు నమోదు చేసుకున్న పోలీసులు విచారణ ప్రారంభించారు.
దాదాపు రెండేళ్ల విచారణ అనంతరం కిరణ్ కుమార్ను, ఛోటు శర్మను, దీపిక హత్యల పాలు పంచుకున్న మరో ఇద్దరు షూటర్లను అరెస్ట్ చేశారు. తన వివాహేతర సంబంధం పెట్టుకున్న మహిళను పెళ్లి చేసుకోవడం కోసమే భార్యను చంపించానని పోలీసుల ఎదుట కిరణ్ అంగీకరించాడు.