వచ్చేస్తోంది... రాయల్‌ ‘మెటోర్‌’
ABN , First Publish Date - 2020-07-08T05:30:00+05:30 IST
వయసుతో సంబంధం లేకుండా అందరికీ ఫేవరెట్‌ బైక్‌ రాయల్‌ ఎన్‌ఫీల్డ్‌. ఇప్పుడా సంస్థ నుంచి కొత్తగా ‘మెటోర్‌ 350’ రానుంది. ‘థండర్‌ బర్డ్‌ 350’కి రీప్లేస్‌మెంట్‌గా భావిస్తున్న ఈ బైక్‌, కరోనా లేకపోతే ఈపాటికే రోడ్లపై తిరగాల్సింది...
వయసుతో సంబంధం లేకుండా అందరికీ ఫేవరెట్‌ బైక్‌ రాయల్‌ ఎన్‌ఫీల్డ్‌. ఇప్పుడా సంస్థ నుంచి కొత్తగా ‘మెటోర్‌ 350’ రానుంది. ‘థండర్‌ బర్డ్‌ 350’కి రీప్లేస్‌మెంట్‌గా భావిస్తున్న ఈ బైక్‌, కరోనా లేకపోతే ఈపాటికే రోడ్లపై తిరగాల్సింది. అయితే ఈ నెలాఖరులో మార్కెట్‌లోకి వస్తున్న ‘మెటోర్‌’లో విశేషాలెన్నో ఉన్నాయి.
ఫీచర్లు ఇవీ...
- రాయల్‌ ఎన్‌ఫీల్డ్‌ నూతన జె-ప్లాట్‌ఫామ్‌పై రూపుదిద్దుకొంటున్న ‘మెటోర్‌ 350’ను చూడగానే ‘థండర్‌బర్డ్‌ 350’ గుర్తుకు వస్తుంది. అయితే మెటోర్‌ ఆయిల్‌ ట్యాంక్‌ వినూత్నంగా, రౌండ్‌గా ఉంటుంది.
- వెనకవైపు డిజైన్‌, సైడ్‌ ప్యానెల్స్‌ ఆకట్టుకుంటాయి. అలాగే ఇండికేటర్‌, బ్రేక్‌ ల్యాంప్‌ విభిన్నంగా ఉంటాయి.
- ఈ బైక్‌లో ప్రధాన మార్పు... కిక్‌-స్టార్టర్‌ లేకపోవడం. గేర్‌బాక్స్‌ కంపాక్ట్‌గా, ఎగ్జాస్ట్‌ పైపు కొత్తగా కనిపిస్తాయి.
- ఇంజిన్‌ 19.1 బీహెచ్‌పీ శక్తిని, 28 ఎన్‌ఎం టార్క్‌ను అందిస్తుంది. బైక్‌ నాలుగు రంగుల్లో రావచ్చు.
- విండ్‌షీల్డ్‌, బాష్‌ ప్లేట్‌, సీటు, ఫుట్‌ పెగ్స్‌, బ్యాక్‌రెస్ట్‌ వంటివి యాడ్‌ ఆన్స్‌గా వస్తాయి.
- ధర రూ.1.68 నుంచి 1.75 లక్షల మధ్య ఉండవచ్చని అంచనా. ‘థండర్‌బర్డ్‌ 350’తో పోలిస్తే ఓ రూ.20 వేలు అధికం.
