6న భూమికి చేరువగా భారీ గ్రహ శకలం!
ABN , First Publish Date - 2020-06-04T08:20:11+05:30 IST
అమెరికాలోని ఆకాశ హర్మ్యాల జాబితాలో మొదట ఉండే పేరు.. ఎంపైర్ స్టేట్ బిల్డింగ్. న్యూయార్క్ నగరంలో ఉండే ఈ భవన సముదాయంలోని 102 అంతస్తులు 1,454 అడుగుల ఎత్తు ఉంటాయి. ఇంతకంటే ఎత్తైన భారీ గ్రహశకలం(ఆస్టరాయిడ్) చక్కర్లు కొడుతూ ఈనెల 6న(శనివారం) భూమికి దగ్గరగా రానుందట...
- 102 అంతస్తుల బిల్డింగ్ కంటే పెద్దది : నాసా
అమెరికాలోని ఆకాశ హర్మ్యాల జాబితాలో మొదట ఉండే పేరు.. ఎంపైర్ స్టేట్ బిల్డింగ్. న్యూయార్క్ నగరంలో ఉండే ఈ భవన సముదాయంలోని 102 అంతస్తులు 1,454 అడుగుల ఎత్తు ఉంటాయి. ఇంతకంటే ఎత్తైన భారీ గ్రహశకలం(ఆస్టరాయిడ్) చక్కర్లు కొడుతూ ఈనెల 6న(శనివారం) భూమికి దగ్గరగా రానుందట. దీనికి ‘రాక్ 163348(2002 ఎన్ఎన్4)’ అని పేరు పెట్టినట్లు నాసా తెలిపింది. సెకనుకు 5.2 కిలోమీటర్ల వేగంతో ప్రయాణిస్తున్న ఈ గ్రహశకలం గరిష్ఠంగా 1870 అడుగుల ఎత్తు ఉండొచ్చని అంచనా వేసింది. ఈ ఆదివారం మధ్యాహ్నం 12.50 గంటలకు అది భూమికి అత్యంత చేరువగా వచ్చే అవకాశాలు ఉంటాయని.. ఆ రోజు దాని కదలికలను నమోదు చేయడంపై దృష్టిసారించామని నాసా వివరించింది.