MGR సోదరుడి కుమార్తె లీలావతి మృతి

ABN , First Publish Date - 2021-11-27T13:37:22+05:30 IST

మాజీ ముఖ్యమంత్రి ఎంజీఆర్‌ సోదరుడు, అలనాటి తమిళ సినీనటుడు చక్రపాణి కుమార్తె లీలావతి శుక్రవారం మృతి చెందారు. ఆమె వయస్సు 71 సంవత్సరాలు. స్థానిక పెరుంగుడిలో నివసిస్తున్న లీలావతి ఇటీవల తీవ్ర

MGR సోదరుడి కుమార్తె లీలావతి మృతి

చెన్నై: మాజీ ముఖ్యమంత్రి ఎంజీఆర్‌ సోదరుడు, అలనాటి తమిళ సినీనటుడు చక్రపాణి కుమార్తె లీలావతి శుక్రవారం మృతి చెందారు. ఆమె వయస్సు 71 సంవత్సరాలు. స్థానిక పెరుంగుడిలో నివసిస్తున్న లీలావతి ఇటీవల తీవ్ర అనారోగ్యానికి గురై ఆస్పత్రిలో చేరారు. అక్కడ చికిత్స పొందుతూ శుక్రవారం వేకువజామున కన్నుమూశారు. ఎంజీఆర్‌ అమెరికాలోని బ్రూక్లిన్‌ ఆస్పత్రిలో మూత్రాశయ సమస్యలతో చికిత్స పొందుతున్నప్పుడు లీలావతి తన కిడ్నీని దానంగా ఇచ్చారు. లీలావతి కిడ్నీని ఎంజీఆర్‌కు అమర్చటం వల్లే ఆయన ప్రాణగండం నుంచి బయటపడి మరికొన్నేళ్లు జీవించి రాష్ట్ర ముఖ్యమంత్రిగా సేవలందించారు. లీలావతి మృతి పట్ల అన్నాడీఎంకే సమన్వయకర్త ఓ.పన్నీర్‌సెల్వం, ఉపసమన్వయకర్త ఎడప్పాడి పళనిస్వామి తీవ్ర సంతాపం తెలిపారు. 1984లో ఆమె కిడ్నీ ఇవ్వడం వలనే ఎంజీఆర్‌ మరికొంతకాలం జీవించగలిగారని ఈ సందర్భంగా వారు గుర్తు చేసుకున్నారు.

Updated Date - 2021-11-27T13:37:22+05:30 IST