అందుకే మద్యం షాపుల్లో రిజర్వేషన్ విధానం: Minister srinivas
ABN , First Publish Date - 2021-11-08T18:03:41+05:30 IST
ఆర్ధిక వనరులు మెరుగు పరచడానికే మద్యం షాపుల్లో రిజర్వేషన్ విధానాన్ని తీసుకువచ్చామని మంత్రి శ్రీనివాస్ గౌడ్ తెలిపారు.
మహబూబ్నగర్: ఆర్ధిక వనరులు మెరుగు పరచడానికే మద్యం షాపుల్లో రిజర్వేషన్ విధానాన్ని తీసుకువచ్చామని మంత్రి శ్రీనివాస్ గౌడ్ తెలిపారు. సోమవారం కలెక్టర్ కార్యాలయంలో మద్యం షాపుల రిజర్వేషన్ కేటాయింపు డ్రా కార్యక్రమంలో మంత్రి పాల్గొన్నారు. ఈ సందర్భంగా మంత్రి శ్రీనివాస్ మాట్లాడుతూ...ఈ ఏడాది ధరలు పెంచకపోగా షాపుదారులకు అనేక వెసులుబాట్లు కలిపించామన్నారు. పారదర్శకంగా షాపులను కేటాయించనట్లు తెలిపారు. రాష్ట్రంలో గుడంబా, గాంజ, మత్తుపదార్థాల విక్రయాలపై ఉక్కుపాదం మోపుతామని... ఎలాంటి వారిపైనైనా పీడీ కేసులు పెడతామని స్పష్టం చేశారు. కల్తీ మద్యం లేకుండా చూస్తామన్నారు. భవిష్యత్లో కాంట్రాక్టులు, మెడికల్ షాపుల కేటాయింపుల్లో కూడా రిజర్వేషన్ను అమలు చేసే అంశం పరిశీలనలో ఉందని మంత్రి శ్రీనివాస్ గౌడ్ తెలిపారు.