ఏడాది వయసున్న కూతురు నిద్రపోయింది కదా అని పక్కనే ఉన్న గుడికి వెళ్లిందా తల్లి.. తిరిగొచ్చేసరికి ఊహించని దారుణం..!

‘నా కుమార్తెను అమ్మవారే కాపాడింది. వేడి పాలు ఆమె మీద పడివుంటే అనర్థం జరిగేది..’ ఈ మాటలు  ఏడాది బాలిక తల్లి నోటి నుంచి వెలువడ్డాయి. ప్రమాదంలో గాయపడిన చిన్నారిని ఆమె ఛతర్పూర్(మధ్యప్రదేశ్)లోని ఆసుపత్రికి తీసుకువెళ్లింది. చికిత్స అందించిన వైద్యులు ఆ చిన్నారి ఆరోగ్య పరిస్థితి నిలకడగానే ఉందని తెలిపారు. ఆ చిన్నారి శరీరంపై కొన్ని చోట్ల వేడిపాలు పడ్డాయి. ఈ ఉదంతం జనక్‌పూర్ గ్రామంలో చోటుచేసుకుంది. రాహుల్, ప్రభా కుశావహ్‌ల ఏడాది కుమార్తె రష్మిపై వేడిపాలు పడటంతో గాయపడింది. వెంటనే తల్లిదండ్రులు ఆ చిన్నారిని ఆసుపత్రికి తరలించారు. అక్కడ చిన్నారిని బర్న్స్ వార్డులో ఉంచారు. ఈ సందర్భంగా ప్రభ మాట్లాడుతూ.. తాను పాలు కాచిన తరువాత ఆ పాత్రను పైన గట్టుపై ఉంచానని, ఆ పక్కనే పాప నిద్రిస్తోందని తెలిపారు. 

పాప పడుకుంది కదా అని సమీపంలోని అమ్మవారి ఆలయానికి వెళ్లాను. అక్కడ పూజలు చేస్తుండగా, ఇంటిలో నుంచి పాప అరుపులు వినిపించాయి. పరుగుపరుగున ఇంటికివెళ్లి చూసేసరికి పాపపై వేడిపాలు పడటంతో గుక్కపట్టి ఏడుస్తోంది. ఆ సమయంలో పాప చేతితో అమ్మవారి చిత్రపఠం ఉంది. వేడిపాలు అమ్మవారి చిత్రపఠంపై అధికశాతం ఒలికాయి. పాప కాలిపై కూడా కొద్దిమేరకు వేడి పాలు పడ్డాయి. ఈ సమయంలో అమ్మవారే పాపను కాపాడింది. లేకపోతే మరింత అనర్థం జరిగివుండేదని తెలిపారు.