బ్లాక్హోల్ వీడియో షేర్ చేసిన నాసా.. విశేషం ఏంటంటే..
ABN , First Publish Date - 2020-05-31T21:49:13+05:30 IST
ఓ బ్లాక్హోల్కు సంబంధించిన వీడియోను అమెరికా అంతరిక్ష పరిశోధనా సంస్థ నాసా ఇటీవల...
వాషింగ్టన్: ఓ బ్లాక్హోల్కు సంబంధించిన వీడియోను అమెరికా అంతరిక్ష పరిశోధనా సంస్థ నాసా ఇటీవల విడుదల చేసింది. దాదాపు కాంతి వేగంతో ఉష్ణ పదార్థాన్ని వెలువరిస్తూ వెలిగిపోతున్న వెలుగు విరజిమ్ముతున్న ఈ కృష్ణబిలాన్ని నాసాకు చెందిన కొందరు అంతరిక్షపరిశోధకులు గుర్తించి వీడియో తీశారు. ఇందులో దాదాపు సూర్యుడికంటే దాదాపు 8 రెట్లు ద్రవ్యరాశి కలిగి ఉన్న ఓ బ్లాక్హోల్ కనిపిస్తుంది. ఈ బ్లాక్హోల్ తన గురుత్వాకర్షణ బలంతో పక్కన ఉన్న ఓ నక్షత్రంలోని పదార్థాన్ని వేగంగా తనవైపు ఆకర్షిస్తోంది. ఇలా వచ్చిన పదార్థమంతా ఆ బ్లాక్హోల్ చుట్టూ వలయాకారంలో తిరుగుతూ అంతకంతకూ పెరుగుతోంది.
ఈ నేపథ్యంలో నక్షత్రం నుంచి సేకరించిన పదార్థంలో కొంత పదార్థాన్ని బ్లాక్హోల్ తన కేంద్ర భాగం నుంచి రెండు వైపులా బయటకు విడుదల చేస్తోంది. ఇలా బయటకు వస్తున్న పదార్థం అత్యంత ఉష్ణోగ్రతతో దాదాపు 80 శాతం కాంతి వేగంతో విడుదలవుతోంది. దీని ద్వారా బ్లాక్హోల్స్కు సంబంధించిన మరింత సమాచారం తెలుస్తుందని శాస్త్రవేత్తలు చెబుతున్నారు.